ଭୁବନେଶ୍ୱର: ଭାରତୀୟ ଚାର୍ଟାର୍ଡ ଆକାଉଣ୍ଟସର ପୂର୍ବ ଭାରତୀୟ ଆଞ୍ଚଳିକ ପରିଷଦ ଦ୍ୱାରା ବିର୍ଲା ଗ୍ଲୋବାଲ ୟୁନିଭର୍ସିଟିର ମିଳିତ ଆନୁକୂଲ୍ୟରେ ଗତ ୨୨ ତାରିଖରେ ଇଣ୍ଟରନେଟ ମାଧ୍ୟମରେ ‘ଚାର୍ଟାର୍ଡ ଆକାଉଣ୍ଟାନ୍ସୀ: ଏକ କ୍ୟାରିୟର ବିକଳ୍ପ’ ଶୀର୍ଷକ ଆଲୋଚନାଚକ୍ର ଆୟୋଜନ କରାଯାଇଥିଲା । ଇଆଇଆରସିଆଇସିଏଆଇର ଅଧ୍ୟକ୍ଷ ସୁନିଲ କୁମାର ସାହୁ ମୁଖ୍ୟବକ୍ତା ଭାବେ ଯୋଗଦେଇ ନିଜର ଦୀର୍ଘ୨୮ ବର୍ଷର ଏ ଦିଗରେ ଥିବା ଅଭିଜ୍ଞତାକୁ ଉପସ୍ଥିତ ବିଦ୍ୟାର୍ଥୀଙ୍କ ସମ୍ମୁଖରେ ପ୍ରକାଶକରିବା ସହ ସେମାନଙ୍କୁ ଉତ୍ସାହିତ କରିଥିଲେ । ବିଏସ୍ସିର ଡିନ୍ ପ୍ରଫେସର ଡ. ସାମସନ ମହାରଣା ସ୍ୱାଗତଭାଷଣ ପ୍ରଦାନ କରିଥିଲେ । ସଂପ୍ରତି ବୃତ୍ତିଗତ ଶିକ୍ଷାର ଚାହିଦା କିପରି ବୃଦ୍ଧିପାଇବାରେ ଲାଗଛି ସେ ସମ୍ପର୍କରେ ମଧ୍ୟ ସେ ପ୍ରକାଶକରିଥିଲେ । ଏହା ବ୍ୟତୀତ ଇଆଇଆରସି ଆଇସିଏଆଇ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମର ସେ ପ୍ରଶଂସା କରିଥିଲେ । ଇଆଇଆରସିର ବିଦ୍ୟାର୍ଥୀ ପରାମର୍ଶଦାତା ସୁସ୍ମିତା ସେନ ଚାର୍ଟାର୍ଡ ଆକାଉଣ୍ଟାଣ୍ଟଙ୍କ ଉଜ୍ଜ୍ୱଳ ଭବିଷ୍ୟତ ଓ ଏହି ଶିକ୍ଷା ଲାଭକରିବା ଦ୍ୱାରା ନିଯୁକ୍ତିର ପର୍ଯ୍ୟାପ୍ତ ସୁଯୋଗ ରହିଛି ବୋଲି କହିଥିଲେ । ଶେଷରେ ଆସିଷ୍ଟାଣ୍ଟ ପ୍ରଫେସର ନେହା ଜୋଶୀ ଓ ଡ. ହେମନ୍ତ ଭନ୍ୱାରା ଧନ୍ୟବାଦ ଅର୍ପଣ କରିଥିଲେ ।
ଇଆଇଆରସିଆଇସିଏଆଇ ପକ୍ଷରୁ ‘ଚାର୍ଟାର୍ଡ ଆକାଉଣ୍ଟାନ୍ସୀ: ଏକ କ୍ୟାରିୟର ବିକଳ୍ପ’ ଆଲୋଚନାଚକ୍ର
Popular Categories
Previous article
Next article