ଡେସ୍କ: ଭାରତର ବହୁ ପ୍ରତିକ୍ଷିତ ଚନ୍ଦ୍ରଯାନ-୩ର ସହଜ ଅବତରଣ ପ୍ରକ୍ରିୟା ଆରମ୍ଭ ହୋଇଛି। ଏହା ଯେଭଳି ସଫଳତାର ସହ ଚନ୍ଦ୍ରପୃଷ୍ଠରେ ଅବତରଣ କରିବ ସେ ନେଇ ଭାରତୀୟ ମହାକାଶ ଗବେଷଣା ସଂସ୍ଥା – ଇସ୍ରୋର ବେଙ୍ଗାଲୁରୁ ସ୍ଥିତ କମାଣ୍ଡ ସେଣ୍ଟରରେ ବୈଜ୍ଞାନିକମାନେ ପ୍ରସ୍ତୁତ ରହିଛନ୍ତି। ଏହି ସଫଳତା ମିଳିଲେ ଭାରତ ଚନ୍ଦ୍ର ଅଭିଯାନ କ୍ଷେତ୍ରରେ ବିଶ୍ୱର ଚତୁର୍ଥ ଦେଶ ଭାବରେ ଇତିହାସ ପୃଷ୍ଠାରେ ନିଜକୁ ସାମିଲ କରିପାରିବ। କେବଳ ସେତିକି ନୁହେଁ, ଚନ୍ଦ୍ରଯାନ-୩ର ସହଜ ଅବତରଣ ଭାରତର ମହାକାଶ ଶକ୍ତି ଓ ଭବିଷ୍ୟତରେ ଚନ୍ଦ୍ର ଅଭିଯାନରେ ଦେଶର ବୈଜ୍ଞାନିକ, ବୈଷୟିକ ଓ ମହାକାଶ ବିଜ୍ଞାନର ସଫଳତାକୁ ବିଶ୍ୱ ଦରବାରରେ ପ୍ରତିପାଦିତ କରିପାରିବ।
– ଇସ୍ରୋ ପକ୍ଷରୁ ସୂଚନା, ଆଜି ଅବତରଣ କରିବ ଚନ୍ଦ୍ରଯାନ- ୩
– ଆବଶ୍ୟକ ସ୍ଥଳେ ଅଗଷ୍ଟ ୨୭କୁ ଅବତରଣ କରାଯାଇ ପାରେ ବୋଲି ଘୋଷଣା କରାଯାଉଥିଲା
– ଚନ୍ଦ୍ରଯାନ-୩ର ଉତକ୍ଷେପଣ ଏବଂ ଅବତରଣ ବିଷୟରେ ଇସ୍ରୋର ସୂଚନା – ଲ୍ୟାଣ୍ଡର ମଡ୍ୟୁଲ୍ ପୃଥିବୀକୁ ୨୧ ଥର ଏବଂ ଚନ୍ଦ୍ରକୁ ୧୨୦ ଥର ପରିକ୍ରମା କରିଛି
– ୪୦ ଦିନ ଯାତ୍ରା କରିବା ପରେ ଚନ୍ଦ୍ରଯାନ-୩ ଆଜି ଚନ୍ଦ୍ରରେ ପହଞ୍ଚିବ
– ଚନ୍ଦ୍ର ଠାରୁ ୩୧ କିଲୋମିଟର ଦୂରରେ ପହଁଚିଲା ଚନ୍ଦ୍ରଯାନ-୩ର ଲ୍ୟାଣ୍ଡର ମୋଡ୍ୟୁଲ
– ଏବେ ଲ୍ୟାଣ୍ଡର ମୋଡ୍ୟୁଲର ଗତି ସେକେଣ୍ଡ ପ୍ରତି ୧୧୫୦ ମିଟର
– ଅଧା ଯାତ୍ରା ଶେଷ କଲା ଚନ୍ଦ୍ରଯାନ-୩, ସନ୍ଧ୍ୟା ୬.୦୪ ମିନିଟରେ ଅବତରଣ କରିବ ଚନ୍ଦ୍ରଯାନ-୩
– ଚନ୍ଦ୍ରଯାନ-୩ ପାୱାର ଡ଼ିସେଣ୍ଟ ଆରମ୍ଭ, ଆଉ ମାତ୍ର ୧୧ ମିନିଟର ଅପେକ୍ଷା
– ବର୍ତ୍ତମାନ ପର୍ଯ୍ୟନ୍ତ ସବୁକିଛି ପ୍ରକ୍ରିୟା ସ୍ୱାଭାବିକ, ଅବତରଣ ପାଇଁ ୮୦% ଯାତ୍ରା ସମାପ୍ତ, ଏବେ ଲ୍ୟାଣ୍ଡର୍ ଚନ୍ଦ୍ରଠାରୁ ୧୦ କିଲୋମିଟର ଉଚ୍ଚରେ ଅଛି
– ଏବେ ଲ୍ୟାଣ୍ଡର ବର୍ତ୍ତମାନ ପ୍ରତି ସେକେଣ୍ଡରେ ୬୭ ମିଟର ବେଗରେ ଅବତରଣ କରୁଛି
– ସବୁ ସେନସର ସଠିକ କାମ କରୁଥିବା ସୂଚନା
– ଆଉ ମାତ୍ର ୬ ମିନିଟର ଅପେକ୍ଷା, ଏବେ ଲ୍ୟାଣ୍ଡର୍ ଚନ୍ଦ୍ରଠାରୁ ୨.୬ କିଲୋମିଟର ଉଚ୍ଚରେ ଅଛି
– ୧୫୦ ମିଟର ବାକି, ଅବତରଣ କରୁଛି ଚନ୍ଦ୍ରଯାନ-୩
– ଆଉ ମାତ୍ର ୫ ମିନିଟର ଅପେକ୍ଷା, ଏବେ ଲ୍ୟାଣ୍ଡର୍ ଚନ୍ଦ୍ରଠାରୁ ୧ କିଲୋମିଟର ଉଚ୍ଚରେ ଅଛି
– ଚନ୍ଦ୍ରଯାନ-୩ ଅବତରଣ ପ୍ରକ୍ରିୟାର ତୃତୀୟ ପର୍ଯ୍ୟାୟ ସଫଳ
– ଅବତରଣ କରିବା ପୂର୍ବରୁ ସିଧା ହେଲା ଚନ୍ଦ୍ରଯାନ-୩
– ଚନ୍ଦ୍ରଯାନ-୩ ଅବତରଣ ପ୍ରକ୍ରିୟାର ଦ୍ଵିତୀୟ ପର୍ଯ୍ୟାୟ ସଫଳ
– ୫୦ ମିଟର ବାକି, ଅବତରଣ କରୁଛି ଚନ୍ଦ୍ରଯାନ-୩
– ସଫଳତାର ସହ ଚନ୍ଦ୍ରରେ ଅବତରଣ କଲା ଚନ୍ଦ୍ରଯାନ-୩
