ଭୁବନେଶ୍ଵର: ଚନ୍ଦକା ଗୋଡିବାରିରେ ଅସୁସ୍ଥ ହାତୀ ଛୁଆର ମୃତ୍ୟୁ । ଚିକିତ୍ସାଧିନ ଅବସ୍ଥାରେ ବଲାଙ୍ଗୀର ଦେଓଗାଁରୁ ଆସିଥିବା ୩ ବର୍ଷର ହାତୀ ଛୁଆର ମୃତ୍ୟୁ ହୋଇଛି। ଚନ୍ଦକା ଡମପଡା ଅଭୟାରଣ୍ୟର ଗୋହିବାରି ହାତୀ ପ୍ରଶିକ୍ଷଣ କେନ୍ଦ୍ର ନିକଟରେ ତାର ଚିକିତ୍ସା ଚାଲିଥିଲା। ସପ୍ତାହେ ହେବ ନନ୍ଦନକାନନ ଓ ଓୟୁଏଟି ଟିମ୍ ତାର ଚିକିତ୍ସାରେ ଲାଗିଥିଲେ। ଖିଆପିଆ କରିପାରୁନଥିବାରୁ ଲଗାତାର ସାଲାଇନ୍ ଦିଆଯାଉଥିଲା। ପାଟିରେ ଘା ହୋଇଯାଇଥିବାରୁ ଡାକ୍ତରମାନେ ଆଣ୍ଟି ବାୟୋଟିକ୍ ମଧ୍ୟ ଦେଇଥିଲେ। ହାତୀ ଛୁଆକୁ ସୁସ୍ଥ କରିବାକୁ ସବୁ ପ୍ରକାର ଉଦ୍ୟମ କରିଥିଲେ ମଧ୍ୟ ଜୀବନ ବଞ୍ଚାଇ ପାରିନଥିଲେ। ଆଜି ହାତୀ ଛୁଆର ପୋଷ୍ଟମଟମ୍ କରାଯିବ ବୋଲି ଚନ୍ଦକା ଡିଏଫଓଙ୍କ ପକ୍ଷରୁ ସୂଚନା ମିଳିଛି।
Comments are closed.