ଚୌଦ୍ୱାର: ବାଇକ୍ ନମ୍ବର ଲଗାଇ ଚୌଦ୍ୱାରରୁ କଟକ ଯାତାୟତ କରୁଥିବା ଶ୍ରଦ୍ଧା (ଡମଣୀ)ନାମକ ଏକ ଯାତ୍ରୀବାହୀ ବସକୁ ଚୌଦ୍ୱାର ପୁଲିସ୍ ଜବତ କରିବା ସହିତ ବସ ଡ୍ରାଇଭରକୁ ଅଟକ ରଖିଛି। ପ୍ରକାଶଯେ ଉକ୍ତ ବସଟି କେତେବେଳେ ମଟର ସାଇକେଲ ନମ୍ବର ପ୍ଲେଟ ଏବଂ ଆଉ କେତେବେଳେ କାର ନମ୍ବର ପ୍ଲେଟ ଲଗାଇ ଦୀର୍ଘଦିନ ଧରି ଯାତ୍ରୀ ନେବା ଆଣିବା କରୁଥିଲା। ବାଇକ-କାର ନମ୍ବର ପ୍ଲେଟ ଲଗାଇ ବେଶ ଅର୍ଥ ଉପାର୍ଜନ କରିବା ସହିତ ବିବାହ, ପିକନିକ୍ ଆଦିରେ ରିଜରଭେସନରେ ଯାଇଥାଏ।
ଉକ୍ତ ଗାଡ଼ିରେ ନିଜସ୍ୱ କୌଣସି କାଗଜପତ୍ର ନଥିବା ବେଳେ ଟିକସ ଫାଙ୍କିବା ପାଇଁ ଉକ୍ତ ଗାଡ଼ିର ମାଲିକ ଏଭଳି ଅଭିନବ ଉପାୟ ଅବଲମ୍ବନ କରିଥିବା ଜଣା ପଡ଼ିଛି। ଉକ୍ତ ବସର ବ୍ୟବସାୟ ପ୍ରତିଦ୍ୱନ୍ଦୀ ଅନ୍ୟ ଏକ ବସ ମାଲିକ ଏ ସମ୍ପର୍କରେ ଥାନାରେ ଅଭିଯୋଗ କରିବା ପରେ ପୁଲିସ୍ ଗାଡ଼ିଟିକୁ ଅଟକ ରଖି ଏହାର କାଗଜପତ୍ର ଯାଞ୍ଚ କରିଥିଲେ। ଫଳରେ ବାଇକ-କାର ନମ୍ବର ପ୍ଲେଟରେ ଏହି ବସ ଚାଲୁଥିବା ଜଣାପଡ଼ିଥିଲା।
Comments are closed.