ନୂଆଦିଲ୍ଲୀ: ଉତ୍ତରଖଣ୍ଡର ପୌଡି ଜିଲାରେ ଜୀବନ୍ତ ଜଳାଇ ଦେଇଥିବା ଜଣେ ଛାତ୍ରୀଙ୍କ ରବିବାର ଆଖି ବୁଜିଛନ୍ତି । ସଫଦରଜଙ୍ଗ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ସେ ମୃତ୍ୟୁ ହୋଇଛି । ପ୍ରାୟ ୧୧ଟା ବେଳେ ତାଙ୍କର ମୃତ୍ୟୁ ଘଟିଥିବା ମୃତକ ପରିବାରଙ୍କ ସୂଚନା ଦେଇଛନ୍ତି । ସୂଚନାଯୋଗ୍ୟ, ଗତ ରବିବାର ଛାତ୍ରୀ ଜଣଙ୍କ ପରୀକ୍ଷା ଦେଇ ଫେରୁଥିବା ସମୟରେ ରାସ୍ତାରେ ଗହଡ ଗ୍ରାମର ମନୋଜ ସିଂହ ଓରଫ ବଣ୍ଟି ତାଙ୍କ ପିଛା କରିଥିଲେ । କିଛି ବାଟ ଯିବା ପରେ ଏକ ନିଛାଟିଆ ରାସ୍ତାରେ ମନୋଜ ଛାତ୍ରୀଙ୍କୁ ଅଟକାଇ ତାଙ୍କ ସହ ବଳାତ୍କାର ଉଦ୍ୟମ କରିଥିଲେ । ଛାତ୍ରୀ ଜଣଙ୍କ ଏହାକୁ ବିରୋଧ କରିବାରୁ ଅଭିଯୁକ୍ତ ପୀଡିତାଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ ଓ ପରେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ସେହି ରାସ୍ତା ଦେଇ ଯାଉଥିବା ଜଣେ ଗ୍ରାମବାସୀ ଅର୍ଦ୍ଧଦଗ୍ଧ ଅବସ୍ଥାରେ ଛାତ୍ରୀଙ୍କୁ ଦେଖି ପୁଲିସକୁ ଖବର ଦେଇଥିଲେ ।
ଘଟଣାସ୍ଥଳରେ ପୁଲିସ ପହଞ୍ଚି ୧୦୮ ଆମ୍ବୁଲାନ୍ସ ଯୋଗେ ଜିଲା ସ୍ବାସ୍ଥ୍ୟକେନ୍ଦ୍ର ଭର୍ତ୍ତି କରିଥିଲେ । ସେଠାରେ ପ୍ରାଥମିକ ଚିକତ୍ସା ପରେ ଶ୍ରୀନଗର ମେଡିକଲା କଲେଜକୁ ପଠାଯାଇଥିଲା । ଏହା ପରେ ପୁଣି ଛାତ୍ରୀଙ୍କୁ ଋଷିକେଶର ଏମ୍ସ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା। ସେଠାରେ ତାଙ୍କ ସ୍ବାସ୍ଥ୍ୟାବସ୍ଥାରେ କୌଣସି ଉନ୍ନତି ନ ହେବାରୁ ପୁଣି ଦିଲ୍ଲୀ ସଫଦରଜଙ୍ଗ ହସ୍ପିଟାଲକୁ ପଠାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଆଜି ତାଙ୍କର ମୃତ୍ୟୁ ଘଟିଛି ।
