ସମାଜ ଡିଜିଟାଲ ଡେସ୍କ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଶନିବାର ସଂସଦରେ ବଜେଟ ଉପସ୍ଥାପନ କରିଛନ୍ତି। ଅଭିବୃଦ୍ଧି, ଭିତ୍ତିଭୂମି ଏବଂ ମଧ୍ୟବିତ୍ତ ଶ୍ରେଣୀକୁ ବଜେଟରେ ଗୁରୁତ୍ଵ ଦିଆଯାଇଥିବା ସେ କହିଛନ୍ତି। ବଜେଟରେ ଯେଉଁସବୁ ଘୋଷଣା ହୋଇଛି ତାହା ଏଠାରେ ଉପସ୍ଥାପନ କରାଯାଉଛି।
- ବଜେଟରେ ଜ୍ଞାନ(GYAN) ଅର୍ଥାତ ଗରିବ, ଯୁବ, ଅନ୍ନଦାତା ଏବଂ ନାରୀଶକ୍ତିକୁ ଗୁରୁତ୍ଵ। ତା’ଛଡ଼ା ଅଭିବୃଦ୍ଧି, ଭିତ୍ତିଭୂମି ଏବଂ ମଧ୍ୟବିତ୍ତଙ୍କୁ ଦିଆଯାଇଛି ପ୍ରାଧାନ୍ୟ।
- କିଷାନ କ୍ରେଡିଟ କାର୍ଡ ଋଣ ୩ ଲକ୍ଷରୁ ୫ ଲକ୍ଷକୁ ବୃଦ୍ଧି, ଉପକୃତ ହେବେ ୭.୭ କୋଟି କୃଷକ।
- ସବୁ ଜିଲା ମୁଖ୍ୟ ଚିକିତ୍ସାଳୟରେ କର୍କଟ ଚିକିତ୍ସା କେନ୍ଦ୍ର, ଆଗାମୀ ୫ ବର୍ଷରେ ବଢ଼ିବ ୭୫ ହଜାର ମେଡିକାଲ ସିଟ୍।
- ଶସ୍ତା ହେବ ୩୬ ଜୀବନ ରକ୍ଷାକାରୀ ଔଷଧ, ବୀମା କ୍ଷେତ୍ରରେ ୧୦୦% ଏଫଡିଆଇକୁ ଅନୁମତି।
- ଆଣବିକ ଶକ୍ତି ଉତ୍ପାଦନ କ୍ଷେତ୍ର ପାଇଁ ୨୦ ହଜାର କୋଟି ଟଙ୍କା ବ୍ୟୟବରାଦ। ପ୍ରତିଷ୍ଠା ହେବ ନ୍ୟୁକ୍ଲିୟର ଏନର୍ଜି ମିଶନ।
- ନୂଆ ଟିକସ ବ୍ୟବସ୍ଥାରେ ୧୨ ଲକ୍ଷ ଟଙ୍କା ପର୍ଯ୍ୟନ୍ତ ଆୟକର ଛାଡ଼।
- ଆଗାମୀ ସପ୍ତାହରେ ଆସିବ ନୂଆ ଆୟକର ଟିକସ ବିଧେୟକ।
- ବରିଷ୍ଠ ନାଗରିକଙ୍କ ପାଇଁ ଟିଡିଏସ ସୀମା ୫୦ ହଜାରରୁ ୧ ଲକ୍ଷ ଟଙ୍କାକୁ ବୃଦ୍ଧି।
- ଆୟକର ଦାଖଲ ସୀମା ୨ରୁ ୪ ବର୍ଷକୁ ବୃଦ୍ଧି, ପୂର୍ବ ୪ ବର୍ଷର ଆୟକର ରିଟର୍ନ ଦାଖଲ ଏକସଙ୍ଗେ କରିପାରିବେ।
- ଡାଲି ଉତ୍ପାଦନରେ ଆତ୍ମନିର୍ଭରଶୀଳ ହେବ ଭାରତ। ଆଗାମୀ ୬ ବର୍ଷ ହରଡ଼, ବିରି ଓ ମସୁର ଡାଲି ଉତ୍ପାଦନ ବୃଦ୍ଧି ଲାଗି ହେବ ମିଶନ।
- ବିହାରରେ ହେବ ମଖାନା ବୋର୍ଡ। ଆସାମରେ ପ୍ରତିଷ୍ଠା ହେବ ୧୨.୭ ଲକ୍ଷ ମେଟ୍ରିକ ଟନ ବିଶିଷ୍ଟ ୟୁରିଆ ପ୍ଲାଣ୍ଟ।
- କ୍ଷୁଦ୍ର ଉଦ୍ୟୋକଗୁଡ଼ିକୁ ସ୍ବତନ୍ତ୍ର କ୍ରେଡିଟ କାର୍ଡ। ପ୍ରଥମ ବର୍ଷରେ ଜାରି ହେବ ୧୦ ଲକ୍ଷ କାର୍ଡ।
- ଏମଏସଏମଇ ପାଇଁ ଲୋନ ଗ୍ୟାରେଣ୍ଟି ୫କୋଟିରୁ ୧୦ କୋଟିକୁ ବୃଦ୍ଧି।
- ଷ୍ଟାର୍ଟଅପ ପାଇଁ ମିଳିବ ୨୦ କୋଟି ପର୍ଯ୍ୟନ୍ତ ଋଣ। କମିବ ଗ୍ୟାରେଣ୍ଟି ଦେୟ।
- ହଟିବ ୭ ତାରିଫ ରେଟ୍, ରହିବ ୮ ତାରିଫ ରେଟ।
- ଶସ୍ତା ହେବ: କର୍କଟ ଓ ଅନ୍ୟାନ୍ୟ ଦୂରାରୋଗ୍ୟ ବ୍ୟାଧି ଔଷଧ, ଏଲଇଡି ଓ ଏଲସିଡି ଟେଲିଭିଜନ, ଇଭି କାର, ମୋବାଇଲ ଫୋନ ଏବଂ ଏହାର ଉପକରଣ, କପଡ଼ା, ଜୋତା, ବେଲ୍ଟ, ପର୍ସ, ବୈଦ୍ୟୁତିକ ଉପକରଣ, ମେଡିକାଲ ଉପକରଣ, ଲିଥିଅମ ଆୟନ ବ୍ୟାଟେରୀ, ଚମଡ଼ା ଜ୍ୟାକେଟ ଓ ସାମୁଦ୍ରିକ ଖାଦ୍ୟ।
- ମହଙ୍ଗା ହେବ: ଫ୍ଲାଟ ପ୍ୟାନେଲ ଡିସପ୍ଲେ ଟିଭି, ପ୍ଲାଷ୍ଟିକ ଉପକରଣ, ନିଟେଡ ଫାବ୍ରିକ।
- ସମସ୍ତ ସରକାରୀ ସ୍କୁଲରେ ବ୍ରଡବ୍ୟାଣ୍ଡ ସଂଯୋଗ।
- ଷ୍ଟାର୍ଟଅପ ପାଇଁ ୧୦ ହଜାର କୋଟିର ପାଣ୍ଠି ଘୋଷଣା। ୫ ଲକ୍ଷ ମହିଳା, ଅନୁସୂଚିତ ଜାତି ଓ ଜନଜାତିର ଉଦ୍ୟୋଗୀଙ୍କୁ ୨ କୋଟିର ଋଣ।
- ୨୦୧୪ ପରଠାରୁ ନିର୍ମିତ ୫ ଆଇଆଇଟିର ଭିତ୍ତିଭୂମି ବିକାଶ ହେବ, ଆଇଆଇଟି ଶିକ୍ଷାନୁଷ୍ଠାନରେ ବଢ଼ିବ ୬୫୦୦ ସିଟ୍।
- ଭାରତୀୟ ଡାକକୁ ୧.୫ ଲକ୍ଷ ଗ୍ରାମୀଣ ଡାକଘର ସହିତ ଏକ ବୃହତ୍ତ ଲଜିଷ୍ଟିକ ସଂଗଠନରେ ପରିଣତ କରାଯିବ
- ଅଣଚମଡ଼ା ଜାତ ଶିଳ୍ପକୁ ପ୍ରାଧାନ୍ୟ। ଏ କ୍ଷେତ୍ରରେ ୨୨ ଲକ୍ଷ ଲୋକଙ୍କୁ ମିଳିବ ନିଯୁକ୍ତି। ଅଣଚମଡ଼ା ଜାତ ଦ୍ରବ୍ୟର ବ୍ୟବସାୟ ୪ ଲକ୍ଷ କୋଟିକୁ ବୃଦ୍ଧି ହେବ।
- କପଡ଼ା ବ୍ୟବସାୟକୁ ପ୍ରୋତ୍ସାହିତ କରିବା ଲାଗି କପା ଚାଷକୁ ଦିଆଯିବ ଗୁରୁତ୍ଵ। ଆସିବ ୫ ବର୍ଷୀୟା ମିଶନ।
- ପ୍ରଧାନମନ୍ତ୍ରୀ ଧନଧାନ୍ୟ କୃଷି ଯୋଜନା କାର୍ଯ୍ୟକାରୀ ହେବ। ରାଜ୍ୟଗୁଡ଼ିକ ସହିତ ମିଶି ସରକାର ଏହି ଯୋଜନା ଚଳାଇବେ। ଏଥିରେ ୧.୭ କୋଟି ଚାଷୀଙ୍କୁ ମିଳିବ ଲାଭ। ଦେଶର ୧୦୦ ଜିଲାରେ ଆରମ୍ଭ ହେବ ଏହି ଯୋଜନା।
- ସକ୍ଷମ ଅଙ୍ଗନୱାଡ଼ି କାର୍ଯ୍ୟକ୍ରମରେ ଦେଶରେ ୮କୋଟିରୁ ଅଧିକ ଶିଶୁ, ୧ କୋଟି ଗର୍ଭବତୀ ମହିଳାଙ୍କୁ ପୋଷଣ ସହାୟତା।
- ୫୦ ପର୍ଯ୍ୟଟନ ସ୍ଥଳୀର ବିକାଶ କରାଯିବ। ପର୍ଯ୍ୟଟନ ଶିଳ୍ପର ବିକାଶ ଲାଗି ୨୦ ହଜାର କୋଟି ଟଙ୍କା ବ୍ୟୟବାରଦ।
- ସହରାଞ୍ଚଳ ବିକାଶ ଲାଗି ୧ ଲକ୍ଷ କୋଟି ବ୍ୟୟବରାଦ।
- ୨୦୨୮ ସୁଦ୍ଧା ଜଳ ମିଶନ ଶେଷ କରାଯିବ, ଶତପ୍ରତିଶତ ପରିବାରକୁ ଜଳଯୋଗାଣ ପାଇଁ ସରକାରଙ୍କ ଲକ୍ଷ୍ୟ।
- ଲାଗୁ ହେବ ରୁପାନ୍ତରିତ ଉଡ଼ାଣ ଯୋଜନା। ଯୋଡ଼ିହେବେ ୪ କୋଟି ନୂଆ ବିମାନ ଯାତ୍ରୀ। ବିହାରରେ ନିର୍ମାଣ ହେବ ଗ୍ରୀନ ଫିଲ୍ଡ ବିମାନବନ୍ଦର।
