ବୌଦ୍ଧ: ବୌଦ୍ଧ ଯୋଗିନ୍ଦଦେବ ଉଚ୍ଚ ବିଦ୍ୟାଳୟ ପରିସରରେ ପ୍ରଧାନ ଶିକ୍ଷକ ତଥା ଗୋଷ୍ଠି ଶିକ୍ଷା ଅଧିକାରୀଙ୍କ ଅଧକ୍ଷତାରେ ବିଶ୍ୱ ମାତୃଭାଷା ଦିବସ ସୋମବାର ଦିନ ପାଳିତ ହୋଇଛି । ଶ୍ରୀ ଘିବେଲା ପ୍ରଥମେ ମାତୃଭାଷା ପ୍ରତି ଆଗ୍ରହ ରହିବା ସହିତ ଅନ୍ୟ ଭାଷାରେ ନିଜ ନିଜର ଦକ୍ଷତା ବଢାଇବା , ଭାଷାର ଦକ୍ଷତା ହାସଲ କଲେ ସମସ୍ତ ବିଷୟ ବୁଝିବାରେ ସହଜ ଓ ବୋଧଗମ୍ୟ ହୋଇଥାଏ ବୋଲି ମତ ବ୍ୟକ୍ତ କରିଥିଲେ । ବରିଷ୍ଠ ଶିକ୍ଷକ ଟଙ୍କଧର ସାହୁ ମାତୃଭାଷାରେ ଉଚ୍ଚ ଶିକ୍ଷାର ବ୍ୟବସ୍ଥା ମଧ୍ୟ ହେଲାଣି ବୋଲି ମତବ୍ୟକ୍ତ କରିଥିଲେ । ଶିଶୁର ବିକାଶରେ ମାତୃଭାଷାର ବିକାଶ ନେଇ ଏକ ବକୃତା ଓ କୁଇଜ ମାଧ୍ୟମରେ ପ୍ରତିଯୋଗିତା ହୋଇଥିଲା ।
ଏଥିରେ ବକୃତାରେ ପ୍ରଥମ ଗଣେଶ ସାହୁ, ଦିତୀୟ ଦେବୀ ପ୍ରସାଦ ସାହୁ, ଓ ତୃତୀୟ ପ୍ରିତମ କୁମାର ସାହୁ ହୋଇଥିଲେ । ସେହିପରି କୁଇଜରେ ଗଣେଶ ସାହୁ, ବିଶ୍ୱଭୁଷଣ ଗୁରୁ ଓ ଆୟୁଷ ବେହେରାଙ୍କୁ ପୁରସ୍କତ କରାଯାଇଥିଲା । ଏହି ଅବସରରେ ବିଦ୍ୟାଳୟର ଶିକ୍ଷକ, ଶିକ୍ଷୟତ୍ରୀ ରାଜଲକ୍ଷ୍ମୀ ସ୍ୱାଇଁ, ବିଜୟ କୁମାର ପ୍ରଧାନ, ସଞିବ କୁମାର ପ୍ରଧାନ, ବିଜୟ କୁମାର କ୍ଷେତି, ଅର୍ଚ୍ଚନା ମହାନ୍ତି, କୁମଦିନୀ ଦେବୀ, ସନ୍ଧ୍ୟାରାଣୀ ମିଶ୍ର, ମମତା ସାହୁ, ଶୁଭସ୍ମିତା ମେଣ୍ଡଳି, ମୀନାରାଣୀ ପଣ୍ଡା, ରଞ୍ଜିତ କୁମାର ରାଉତଙ୍କ ସମେତ ନବମ ଓ ଦଶମ ଶ୍ରେଣୀ ଛାତ୍ରମାନେ ଉପସ୍ଥିତ ଥିଲେ ।
Comments are closed.