ବୌଦ୍ଧ : ସାରା ରାଜ୍ୟରେ ମିଳିତ ଅମଲା ମଞ୍ଚ ପକ୍ଷରୁ ଅମଲା ମାନେ ମୁଳ ଦରମା ଗ୍ରେଡପେ ୪୨୦୦ ବୃଦ୍ଧି ଦାବୀରେ ଗତ ୧ ତାରିଖ ଠାରୁ ଆନ୍ଦୋଳନ ଚଳାଇ ଆସୁଛନ୍ତି। ଏହି ଆନ୍ଦୋଳନରେ ବୌଦ୍ଧ ଜିଲ୍ଲା ମିଳିତ ଅମଲା ମଂଚ ମଧ୍ୟ ସାମିଲ ହୋଇଛି। ଦୀର୍ଘ ଆଠ ଦିନ ବିତିଯାଇଥିଲେ ସୁଦ୍ଧା ସରକାର କୌଣସି ପଦକ୍ଷେପ ଗ୍ରହଣ କରିନାହାନ୍ତି। ଅମଲା ମାନଙ୍କ ଆନ୍ଦୋଳନ ଯୋଗୁ ବୌଦ୍ଧ ଜିଲ୍ଲାରେ ପୁରାପୁରି ସରକାରୀ କାମ ଠପ ହୋଇପଡିଛି। ଜିଲ୍ଲାରେ ୨୬୦ରୁ ଅଧିକ ଅମଲା ମାନେ ଆନ୍ଦୋଳନ କରି ଆସୁଅଛନ୍ତି। ଏପେଟ ଜିଲ୍ଲାରେ ପ୍ରବଳ ଗ୍ରୀଷ୍ମ ପ୍ରବାହ ଲାଗି ରହିଥିବାବେଳେ ଦିନ ୯ ଟା ହେଲେ ଘରୁ ବାହାରି ହେଉନଥିବା ବେଳେ ଗରୀବ ଜନସାଧାରଣ ନିଜର ଜରୁରୀ କାମରେ କାର୍ଯ୍ୟାଳୟ ଗୁଡିକ ଆସି ଦେଖିବାକୁ ଗଲେ ଅମଲାମାନଙ୍କ ଆନ୍ଦୋଳନ ଯୋଗୁଁ ଅଫିସ ଗୁଡିକ ପୁରାଖାଲି ପଡିଛି। ଫଳରେ ଟାଣ ଖରାରେ କାମ ନହୋଇ ନିରାଶ ହୋଇ ଫେରିବାକୁ ପଡୁଛି।
Comments are closed.