ବୌଦ୍ଧ: ବୌଦ୍ଧବ୍ଲକ ଅନ୍ତର୍ଗତ ବିଜାପଦର କ୍ଲଷ୍ଟରର ଏକ୍ସ କ୍ୟାଡର ଓ ଗଣଶିକ୍ଷକ ଶିକ୍ଷୟିତ୍ରୀମାନଙ୍କ ଏକ ବୈଠକ ସୁଧୀର ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ବୈଠକରେ ହରଭଙ୍ଗା ବ୍ଲକ ଏକ୍ସ କ୍ୟାଡର ଓ ଗଣଶିକ୍ଷକ ସଂଘର ସଭାପତି ବିରେନ ଦାସିଆ, ସମ୍ପାଦକ ରାଜକିଶୋର ପୃଷ୍ଟି, ସୁବାଶ କୁମାର ପ୍ରଧାନ, ଅଜୟ ପ୍ରଧାନ, ରଂଜିତ ଷଡଙ୍ଗୀ ଓ ରଂଜିତ ଭୋଇ ପ୍ରମୁଖ ଯୋଗ ଦେଇଥିଲେ। ଶିକ୍ଷକ ଶିକ୍ଷୟିତ୍ରୀମାନଙ୍କ ଏନପିଏସ, ଟ୍ରେଜେରୀ ଦରମା, ନିୟମିତ ହେବାରୁ ବଞ୍ଚିତ ହୋଇଥିବା ଗଣଶିକ୍ଷକ, ଓଟିଇଟିରୁ ବଂଚିତ ଥିବା ଶିକ୍ଷକ ଶିକ୍ଷୟିତ୍ରୀମାନଙ୍କର ସମସ୍ୟା ସମ୍ବନ୍ଧୀୟ ଆଲୋଚନା କରାଯାଇଥିଲା।
ଏଥିରେ ସର୍ବସମ୍ମତି କ୍ରମେ ସଭାପତି ଭାବରେ ସୁଶାନ୍ତ ଅମାତ, ସଂପାଦକ ସୁଧୀର ପଟ୍ଟନାୟକ, ଉପସଭାପତି ସୁରେନ୍ଦ୍ର ନାୟକ, ସହସମ୍ପାଦକ ଜୟରାମ ମେହେର ଓ କୋଷାଧ୍ୟକ୍ଷ ଭାବରେ ଲକ୍ଷ୍ମୀଧର ଥପାଙ୍କୁ ମନୋନୀତ କରାଯାଇଥିଲା। ଏଥି ସହିତ ସଂଘର ଉପଦେଷ୍ଟା ଭାବରେ ଯୋଗେଶ ମିଶ୍ର, ମଧୁସୁଦନ ନାୟକ ଓ କାର୍ଯ୍ୟକାରୀ ସଭ୍ୟ/ସଭ୍ୟା ଭାବରେ ସୁମନ୍ତ ମିଶ୍ର, ନିବେଦିତା ମିଶ୍ର, ଗଣମାଧ୍ୟମ ସଂଯୋଜକ ଭାବରେ ସ୍ମରଜିତ ପ୍ରଧାନ, ଉମେଶ ସୁନା ପ୍ରମୁଖଙ୍କୁ ମନୋନୀତ କରାଯାଇଥିଲା। ସଂଗଠନ ସଂପର୍କରେ ଶିକ୍ଷକ ସୁବାଶ ବେରିହା, ଗିରିଶ ଦାସ, ଜିତେନ୍ଦ୍ର ପ୍ରଧାନ, ଲିଙ୍ଗରାଜ ସାହୁ, ସୁଜିତ ସିଂ ପ୍ରମୁଖ ମତ ରଖିଥିଲେ।
