ବୌଦ୍ଧ: ସ୍ଥାନୀୟ ସରସ୍ବତୀ ଶିଶୁ ବିଦ୍ୟାମନ୍ଦିର ପରିସରରେ ତପସ୍ୱିନୀ ପରିବାର ବୌଦ୍ଧ ପକ୍ଷରୁ ଏକ ପ୍ରାକୃତିକ ଚିକିତ୍ସା ପରାମର୍ଶ ଶିବିର ଅନୁଷ୍ଠିତ ହୋଇଯାଇଛି କ୍ଷ ଅନୁଷ୍ଠାନର ଜ଼ିଲ୍ଲା ସଂଯୋଜିକା ଗୀତାରାଣୀ ରାୟଚୌଧୁରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଶିବିରରେ ମୁଖ୍ୟ ଅତିଥି ଭାବେ ଜ଼ିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରିତାକାନ୍ତି ବଳିୟାରସିଂ ଯୋଗଦେଇ ଥିବାବେଳେ ସମ୍ମାନିତ ଅତିଥି ଭାବେ ଜ଼ିଲା ସଂଘ ଚାଳକ ସୂର୍ୟ୍ୟକାନ୍ତ ଦଳବେହେରା ଯୋଗଦେଇ ଥିଲେ।
କାର୍ୟ୍ୟକ୍ରମରେ ପ୍ରାକୃତିକ ଚିକିତ୍ସା ପରାମର୍ଶ ଦାତା ଭାବେ ଆରୋଗ୍ୟ ଭାରତୀର ରାଜ୍ୟ ସଂଯୋଜକ ତଥା ପ୍ରାକୃତିକ ଚିକିତ୍ସକ ଯୁଧିଷ୍ଠିର ନାୟକ ଯୋଗଦେଇ ପ୍ରାକୃତିକ ଚିକିତ୍ସା ଉପାୟରେ କିପରି ଶରୀରକୁ ସୁସ୍ଥ ରଖାଯାଇ ପାରିବ ଓ ନିରାମୟ ଜୀବନଯାପନ କରିହେବ ସେ ସମ୍ପର୍କରେ ଉପସ୍ଥିତ ମାତୃ ମଣ୍ଡଳୀଙ୍କୁ ପରାମର୍ଶ ଦେଇଥିଲେ । ଅନୁଷ୍ଠାନ ପକ୍ଷରୁ ସରିତା ମେହେର ଅତିଥି ପରିଚୟ ଓ ମଞ୍ଚ ପରିଚାଳନା କରିଥିଲେ କ୍ଷ ଅନୁଷ୍ଠାନ ପକ୍ଷରୁ ବବିତା ପ୍ରଧାନ, ଦିପ୍ତିରାଣୀ ଷଡ଼ଙ୍ଗୀ, ମିନିତା ଦଳବେହେରା, ରଂଜିତା ମିଶ୍ର, ପୁଷ୍ପାଞ୍ଜଳି ସାହୁ, ରଶ୍ମିତା ପରିଡା, ସୌଦାମିନୀ ପାଲ, ଜ୍ୟେଷ୍ଣା ମିଶ୍ର, ସୁନିତା ସାହୁ ପ୍ରମୁଖ ଏହି କାର୍ୟ୍ୟକ୍ରମରେ ସହଯୋଗ କରିଥିଲେ।
