ଲଡୁଗାଁ : କାର୍ତ୍ତିକ ପୂର୍ଣ୍ଣିମା ଆସିଲେ ଡଙ୍ଗା କଥା ମନେପଡେ । ପୂର୍ଣ୍ଣିମା ବଡ଼ି ଭୋରରୁ ଡଙ୍ଗା ଭସାଇଥାନ୍ତି ଆବାଳବୃଦ୍ଧବନିତା । ଆଉ ସେଥିପାଇଁ ଡ଼ଙ୍ଗା ତିଆରି କରି ବିକ୍ରି କାମରେ ଲାଗି ପଡ଼ିଛନ୍ତି କୋକସରା ବ୍ଲକ ମୋଟେର ଗ୍ରାମର ଭୁବନେ ଶବର । ଏବେ ଚର୍ଚ୍ଚାରେ ତାଙ୍କ ହାତ ତିଆରି ସୋଲ ଡ଼ଙ୍ଗା । ସାଧାରଣତଃ କଦଳୀ ବାସୁଙ୍ଗାରେ ଡଙ୍ଗା ତିଆରି କରି ସେଥିରେ ପାନ, ଗୁଆ ଥୋଇ ଏହି ଉତ୍ସବ ପାଳନ କରିବାର ନିୟମ ରହିଛି। କିଛିବର୍ଷ ହେବଗାଁ ମାନଙ୍କରେ କଦଳୀ ଗଛ ଆଉ ବାଡି ବଗିଚାରେ ଦେଖା ନ ଯିବା ଓ ପରିବେଶ ଉପଯୋଗୀ କଦଳୀ ବାସୁଙ୍ଗା ଡଙ୍ଗା ବଜାରରେ ଉପଲବ୍ଧ ହେଉ ନ ଥିବା ବେଳେ ଯଦି ବା ମିଳୁଛି, ତାହାର ଦାମ୍ ଅଧିକ ରହୁଛି। ତେଣୁ କମ୍ ଦାମ୍ରେ ମିଳୁଥିବା ସୋଲ ପ୍ରସ୍ତୁତ ଡଙ୍ଗା ନେବାକୁ ଲୋକେ ପସନ୍ଦ କରୁଛନ୍ତି । ଆସନ୍ତାକାଲି କାର୍ତ୍ତିକ ପୂର୍ଣ୍ଣିମା । ପୂର୍ଣ୍ଣିମା ଦିନ ଜଳାଶୟରେ ଭାସିବ ମୋଟେର ଗ୍ରାମର ଭୂବନେ ତିଆରି କରିଥିବା ସୋଲ ଡଙ୍ଗା । ଧର୍ମ ମାସ କାର୍ତ୍ତିକରେ ପ୍ରତିଟି ଓଡିଆ ନଦୀ ଓ ପୋଖରୀରେ ଡଙ୍ଗା ଭସାଣ କରିଥାନ୍ତି । ଏଥିପାଇଁ ବଜାରରେ ଭଳିକି ଭଳି ଡଙ୍ଗା ବିକ୍ରି ହେଉଛି । ତେବେ ଲୋକଙ୍କ ଚାହିଦା ଅନୁସାରେ ସୋଲରେ ଖୁବ୍ ସୁନ୍ଦର ସୁନ୍ଦର ଡଙ୍ଗା ପ୍ରସ୍ତୁତ କରିଛନ୍ତି ଭୂବନେ । ଡଙ୍ଗା ତିଆରି କରିବାରେ ସହଯୋଗ କରିଥାନ୍ତି ତାଙ୍କ ପୁଅ ଗୁରୁଚରଣ ଶବର । ସୋଲ କାଟିବା ଠାରୁ ଆରମ୍ଭ କରି ଅଠା ଲଗାଇବା, ରଙ୍ଗ ଦେବା, ରଙ୍ଗୀନ କାଗଜ ମାରିବା ଓ କଣ୍ଟା ପିଟିବା କାମ କରନ୍ତି ବାପା-ପୁଅ । ଆଉ ଏସବୁ ଡଙ୍ଗାର ଦର ୧୦ ଟଙ୍କାରୁ ଆରମ୍ଭ କରି ୧୦୦୦ ଟଙ୍କା ରହିଛି । ତେବେ ଗ୍ରାହକମାନେ ଛୋଟ ଛୋଟ ଡଙ୍ଗା କିଣି ନେଉଥିବା ବେଳେ ବଡ ବଡ ଡଙ୍ଗା ପ୍ରସ୍ତୁତି ପାଇଁ ଆଗୁଆ ବରାଦ ଦେଇଥାନ୍ତି । ଲୋକଙ୍କ ବରାଦ ଅନୁଯାୟୀ ବିଭିନ୍ନ ରକମର ଡଙ୍ଗା ତିଆରି କରିବା ସହ ସମସ୍ତଙ୍କୁ ଠିକ୍ ସମୟରେ ହାତ ପାଆନ୍ତାରେ ଯୋଗାଇ ଦେଉଥିବାରୁ ପିଲାଠୁ ବୁଢ଼ା ଯାଏଁ ସମସ୍ତେ ଖୁସିରେ କିଣି ନେଉଛନ୍ତି ।
Popular Categories
Previous article
Next article