ପାଟନା : ବିହାର ଭାଗଲପୁରଠାରେ ରବିବାର କୋଶୀ ନଦୀରେ ଏକ ଡଙ୍ଗା ବୁଡ଼ି ୮ ଜଣ ନିଖୋଜ ହୋଇଯାଇଛନ୍ତି । ଡଙ୍ଗାରେ ୧୬ ଜଣ ଲୋକ ନଦୀ ପାର ହେଉଥିଲେ । କ୍ଷମତାଠାରୁ ଅଧିକ ଲୋକ ଯୋଗୁଁ ଡଙ୍ଗାଠି ନଈ ମଝିରେ ଓଲଟି ପଡିଥିଲା । ୭ ଜଣ ଲୋକ ପହଁରି ନଦୀ କୂଳରେ ପହଞ୍ଚିଛନ୍ତି । ଉଦ୍ଧାରକାରୀ ଦଳ ନଦୀରେ ପହଞ୍ଚି ଖୋଜାଖୋଜି କରୁଛନ୍ତି। ନିଖୋଜ ବ୍ୟକ୍ତିଙ୍କୁ ମୃତ୍ୟୁ ଘଟିଥିବା ସନ୍ଦେହ କରାଯାଉଛି । ବିଭାଗୀୟ ଉଚ୍ଚଅଧିକାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟର ଅନୁଧ୍ୟାନ କରୁଛନ୍ତି। ଡଙ୍ଗା ବୁଡ଼ି ବିହାରରେ ପ୍ରଥମ ଘଟଣା ନୁହେଁ । ଏହା ପୂର୍ବରୁ ଜାନୁଆରୀ ୩୧ରେ ଏକ ଡଙ୍ଗା ବୁଡ଼ିରେ ୫ ଜଣ ଲୋକ ପ୍ରାଣ ହରାଇଥିଲେ । ସେହିପରି ଜାନୁଆରୀ ୧୪ରେ ଏକ ଡଙ୍ଗା ବୁଡ଼ିରେ ୨୫ ଜଣ ଲୋକ ପ୍ରାଣ ହରାଇଥିଲେ ।
Popular Categories
Previous article
Next article