ନୂଆଦିଲ୍ଲୀ: ସାମାଜିକ ଗଣମାଧ୍ୟମରେ ଘୁରି ବୁଲୁଛି ରାହୁଲ ଗାନ୍ଧୀଙ୍କ ରାବଣ ବେଶ। କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଦଶାନନ ରୂପେ ସଜେଇଛି ବିଜେପି। ନିଜ ସୋସିଆଲ ମିଡିଆ ଆକାଉଣ୍ଟ ଏକ୍ସରେ ଭାରତୀୟ ଜନତା ପାର୍ଟି ରାହୁଲଙ୍କ ‘ରାବଣ’ ପୋଷ୍ଟର ଶେୟାର କରିଛି। ଏଥିସହ ଲେଖିଛି, ‘‘ନୂଆ ଯୁଗର ରାବଣ। ସେ ଦୁଷ୍ଟ। ଧର୍ମ ବିରୋଧୀ। ରାମ ବିରୋଧୀ। ତା’ର ଲକ୍ଷ୍ୟ ଭାରତକୁ ଧ୍ବଂସ କରିବା।’’
The new age Ravan is here. He is Evil. Anti Dharma. Anti Ram. His aim is to destroy Bharat. pic.twitter.com/AwDKxJpDHB
— BJP (@BJP4India) October 5, 2023
ଏଠାରେ ଉଲ୍ଲେଖଯୋଗ୍ୟ, ବିଜେପିର ସମସ୍ତ ନେତା ଏବଂ ମୁଖପାତ୍ର ବିରୋଧୀ ଅର୍ଥାତ୍ ଆଇଏନଡିଆଇଏ ମେଣ୍ଟର ନେତାମାନଙ୍କ ଉପରେ ଜୋରଦାର ରାଜନୈତିକ ଆକ୍ରମଣ କରୁଛନ୍ତି। ଇତି ମଧ୍ୟରେ ବିଜେପି ନେତାମାନେ କଂଗ୍ରେସ ଏବଂ ଆମ୍ ଆଦମୀ ପାର୍ଟିକୁ ଦୁର୍ନୀତି ପ୍ରସଙ୍ଗରେ ଟାର୍ଗେଟ କରୁଛନ୍ତି। ସେହିପରି ଅନ୍ୟ ବିରୋଧୀ ଦଳମାନଙ୍କ ଉପରେ ମଧ୍ୟ ଦୁର୍ନୀତି ଏବଂ ପରିବାରବାଦ ପ୍ରସଙ୍ଗରେ ଟାର୍ଗେଟ କରାଯାଉଛି।
ଏହାସହିତ ବିଜେପି ନିଜ ସୋସିଆଲ ମିଡିଆ ହ୍ୟାଣ୍ଡେଲରୁ ‘ଘମଣ୍ଡିଆ ଫାଇଲ୍ସ’ ନାଁରେ ଚତୁର୍ଥ ଏପିସୋଡ୍ ରିଲିଜ୍ କରିଛି। ଏହି ଅଧ୍ୟାୟରେ ବିଜେପି ପଶ୍ଚିମବଙ୍ଗରେ କ୍ଷମତାସୀନ ଟିଏମସିକୁ ଟାର୍ଗେଟ କରି ଲେଖିଛି, ‘‘ଟିଏମସି ଶାସନରେ ପଶ୍ଚିମବଙ୍ଗରେ ନିର୍ବାଚନ ଜିତିବା ପାଇଁ କିଭଳି ଗଣତନ୍ତ୍ରକୁ ଅସମ୍ମାନ, ମାର୍ପିଟ୍, ହତ୍ୟା ଓ ବଳାତ୍କାର ଦ୍ବାରା ଗାଁ ଗାଁରେ ଆତଙ୍କ ଖେଳାଇଛନ୍ତି ମମତା ବାନାର୍ଜୀଙ୍କ କର୍ମକର୍ତ୍ତା।’’ ୩ ମିନିଟ୍ ୫୦ ସେକେଣ୍ଡର ଏକ ଭିଡିଓ ପୋଷ୍ଟ କରି ପଶ୍ଚିମବଙ୍ଗର ସ୍ଥିତି ଦର୍ଶାଇଛି ବିଜେପି।
घमंडिया फाइल्स के चौथे एपिसोड में देखिए…
TMC के शासन में बंगाल में चुनाव जीतने के लिए कैसे उड़ाई जाती है लोकतंत्र की धज्जियां,
मारपीट, हत्या और बलात्कार से गांव-गांव तक फैला है ममता बनर्जी के कार्यकर्ताओं का खौफ। pic.twitter.com/w4SVm3HzY7— BJP (@BJP4India) October 5, 2023
ସୂଚନାଯୋଗ୍ୟ, ଏହାପୂର୍ବରୁ ବିଜେପି କଂଗ୍ରେସ ଫାଇଲ୍ସ ନାମକ ଏକ ସିରିଜ୍ ପୋଷ୍ଟ କରିଥିଲା, ଯେଉଁଥିରେ କଂଗ୍ରେସ ଦଳକୁ ଦୁର୍ନୀତି ଏବଂ ଘୋଟାଲାର ଜନନୀ ବୋଲି ବର୍ଣ୍ଣନା କରାଯାଇଥିଲା। ଏହି ସିରିଜ୍ରେ ୟୁପିଏ-୧ ଏବଂ ୟୁପିଏ-୨ର ଶାସନ ସମୟରେ ହୋଇଥିବା ଦୁର୍ନୀତି ବିଷୟରେ କ୍ରମାଗତ ଭାବେ ପ୍ରଦର୍ଶିତ କରାଯାଇଥିଲା।
