ପୁରୀ ହାଜତ ମୃତ୍ୟୁ ମାମଲାକୁ ନେଇ ଜାତୀୟ ମାନବାଧିକାର କମିଶନଙ୍କ ଦ୍ୱାରସ୍ଥ ହେଲେ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର

ଭୁବନେଶ୍ବର : ପୁରୀ ହାଜତ ମୃତ୍ୟୁ ପ୍ରସଙ୍ଗରେ ଜାତୀୟ ମାନବାଧିକାର ଆୟୋଗଙ୍କ ଦ୍ବାରସ୍ତ ହୋଇଛନ୍ତି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର। ଜାତୀୟ ମାନବାଧିକାର ଆୟୋଗଙ୍କୁ ଭେଟି ଘଟଣାର ହାଜତ ମୃତ୍ୟୁ ମାମଲାର ତଦନ୍ତ କରିବା ସହ ମୃତକଙ୍କ ପରିବାରକୁ ନ୍ୟାୟ ଦେବାପାଇଁ ସମ୍ବିତ ଅପିଲ କରିଛନ୍ତି।

Visited the National Human Right Commission to complain about the custodial death of Sh K Ramesh in Puri yesterday.
Complained about the inhuman way the deceased’s parents have been picked up by the local police & are being held at some undisclosed location.
NHRC assured us help! pic.twitter.com/g7RkZc5Sk5

— Sambit Patra (@sambitswaraj) November 20, 2020

ଜାତୀୟ ମାନବାଧିକାର ଆୟୋଗଙ୍କ ପାଖରେ ପୁରୀ ହାଜତ ମୃତ୍ୟୁ ମାମଲାକୁ ନେଇ ଦ୍ବାରସ୍ତ ହେବାପରେ ପ୍ରତିକ୍ରିୟା ରଖି ବିଜେପି ରାଷ୍ଟ୍ରୀୟ ମୁଖପାତ୍ର  ତଥା ପୁରୀରେ ବିଜେପିର ସାଂସଦ ପ୍ରାର୍ଥୀ ଥିବା ସମ୍ବିତ କହିଛନ୍ତି ଯେ, ହାଜତ ମୃତ୍ୟୁ ପରେ ପୁଲିସ ଅମାନବୀୟ ଭାବେ ସଂସ୍କାର କରିଦେଇଛି, ଏହାଦ୍ଵାରା ମୃତକଙ୍କ ବାପା ମାଙ୍କ ସାମ୍ବିଧାନିକ ଅଧିକାର କ୍ଷୁର୍ଣ୍ଣ ହୋଇଛି। ତାଙ୍କ ବାପା ମାଙ୍କୁ ଉଠାଇ ନେଇ ପୁଲିସ କେଉଁଠି ରଖିଛି ଜଣାନାହିଁ। ଏହି ଘଟଣାରେ ସମ୍ପୃକ୍ତ ପୁଲିସ ଉପରେ କାର୍ଯ୍ୟାନୁଷ୍ଠାନ ପାଇଁ ଆମେ ଅପିଲ କରିଛୁ। ଏଥି ସହିତ ଏହି ଘଟଣାକୁ ଜାତୀୟ ମାନବାଧିକାର ଆୟୋଗ ଗମ୍ଭୀରତାର ସହ ନେଇ ଘଟଣାସ୍ଥଳକୁ ଯାଇ ତଦନ୍ତ କରିବାକୁ କମିଶନ ଭରସା ଦେଇଛନ୍ତି । ଏନେଇ ରାଜ୍ୟ ସରକାରଙ୍କୁ ଜାତୀୟ ମାନବାଧିକାର ନୋଟିସ କରିବେ ବୋଲି ସମ୍ବିତ ପାତ୍ର କହିଛନ୍ତି।