କୋଲକାତା : ଭାରତୀୟ ଜନତା ପାର୍ଟି(ବିଜେପି)ର ଜାତୀୟ ସଭାପତି ଜେପି ନଡ୍ଡା ବୁଧବାରଠାରୁ ଦୁଇ ଦିନିଆ ପଶ୍ଚିମବଙ୍ଗ ଗସ୍ତରେ ଆସିବେ। ଦୁଇଦିନିଆ ଗସ୍ତରେ ସେ ଦଳ ସଂଗଠନକୁ ମଜବୁତ କରିବା ପାଇଁ ବିଭିନ୍ନ କାର୍ଯ୍ୟକ୍ରମରେ ଅଂଶଗ୍ରହଣ କରିବେ। ସୂଚନାଯୋଗ୍ୟ ଯେ, ଆସନ୍ତା ବର୍ଷ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ହେବାକୁ ଯାଉଛି ଏବଂ ବିଜେପି ଏଥିପାଇଁ ପ୍ରସ୍ତୁତି ଆରମ୍ଭ କରିସାରିଛି।
ପଶ୍ଚିମବଙ୍ଗରେ ଦଳକୁ ମଜବୁତ କରିବା ପାଇଁ ନଡ୍ଡା ବିଭିନ୍ନ କାର୍ଯ୍ୟକ୍ରମରେ ଅଂଶଗ୍ରହଣ କରିବେ ବୋଲି ବିଜେପିର ମିଡିଆ ବିଭାଗର ଦାୟିତ୍ୱରେ ଥିବା ଅନିଲ ବାଲୁନି ଏକ ବିବୃତ୍ତିରେ କହିଛନ୍ତି। ବିଜେପି ସଂଗଠନକୁ ମଜବୁତ କରିବା ପାଇଁ ନଡ୍ଡା ୧୨୦ ଦିନିଆ ଦେଶବ୍ୟାପୀ ଯାତ୍ରା କରୁଛନ୍ତି। ସେ ଏହାକୁ ଡିସେମ୍ବର ୪ରେ ଉତ୍ତରପ୍ରଦେଶରୁ ଆରମ୍ଭ କରିଥିଲେ।
ନଡ୍ଡା କେଲକାତାର ହାଷ୍ଟିଙ୍ଗରେ ଦଳର ନିର୍ବାଚନ କାର୍ଯ୍ୟାଳୟ ଏବଂ ନଅଟି ଜିଲ୍ଲାର ପାର୍ଟି କାର୍ଯ୍ୟାଳୟର ଉଦଘାଟନ କରିବେ। ସେ ବସ୍ତି ବାସିନ୍ଦାଙ୍କ ପ୍ରତିନିଧୀଙ୍କୁ ଭେଟି ସେମାନଙ୍କ ସମସ୍ୟା ବିଷୟରେ ଆଲୋଚନା କରିବେ।
