ଭୁବନେଶ୍ୱର: କୋଭିଡର ଏହି ମହାମାରୀ ସମୟରେ ବିର୍ଲା ଗ୍ଲୋବାଲ୍ ୟୁନିଭର୍ସିଟିର ଏମ.ବି.ଏ ଛାତ୍ରଛାତ୍ରୀମାନେ ସର୍ବାଧିକ ୨୨ଲକ୍ଷ ପର୍ଯ୍ୟନ୍ତ ପ୍ୟାକେଜ୍ ସହିତ ବହୁତ ଭଲ କମ୍ପାନୀରେ ସ୍ଥାନିତ ହୋଇଛନ୍ତି । ଏହି ପ୍ଲେସମେଣ୍ଟରେ ହାରାହାରି ୮.୪୫ ଲକ୍ଷ ପର୍ଯ୍ୟନ୍ତ ପ୍ୟାକେଜ୍ର ଅଫର୍ ଛାତ୍ରଛାତ୍ରୀମାନଙ୍କୁ ମିଳିଛି । ଅଧିକାଂଶ ଛାତ୍ରଛାତ୍ରୀ ବହୁତ ଖ୍ୟାତିସଂପନ୍ନ କର୍ପୋରେଟ୍ ଯଥା- ଟାଟା ଏଆଇଜି, ଗୋଦରେଜ୍ ପ୍ରପରଟିଜ୍, ଆଇଟିସି, ଏସବିଆଇ ଲାଇଫ୍, ରିଲାଏନ୍ସ୍ ରିଟେଲ୍, ଆଡ୍ ଫ୍ୟାକ୍ଟରସ୍ ଇତ୍ୟାଦି କମ୍ପାନୀରେ ନିଯୁକ୍ତ ହୋଇଛନ୍ତି ।
ଏହି ପ୍ଲେସମେଣ୍ଟର ସବୁଠାରୁ ଉଲ୍ଲେଖନୀୟ ଘଟଣା ହେଉଛି ଯେ, ଛାତ୍ରଛାତ୍ରୀମାନେ ଦୁବାଇ, ଆବୁଧାବି ଏବଂ କତାରରେ ପ୍ଲେସମେଣ୍ଟ୍ ପାଇଛନ୍ତି । ଅଧିକାଂଶ ଛାତ୍ରଛାତ୍ରୀମାନେ ଭାରତରେ ଅବସ୍ଥିତ ଆମେରିକୀୟ କମ୍ପାନୀଗୁଡିକରେ ସ୍ଥାନିତ ହୋଇଛନ୍ତି । ସାମ୍ବାଦିକତା ଶିକ୍ଷାର୍ଥୀମାନେ ସର୍ବୋଚ୍ଚ ୫.୪୦ ଲକ୍ଷ ଟଙ୍କା ପ୍ୟାକେଜ୍ରେ ପ୍ରତିଷ୍ଠିତ ଗଣମାଧ୍ୟମ ଓ ଲୋକସମ୍ପର୍କ ଅନୁଷ୍ଠାନରେ ସ୍ଥାନିତ ହୋଇଛନ୍ତି । ବିଶ୍ୱବିଦ୍ୟାଳୟ ତାଙ୍କ ଶିକ୍ଷାର୍ଥୀମାନଙ୍କୁ ଫିନାନସିଆଲ୍, ଏଫଏମସିଜି, ଇନଭେଷ୍ଟମେଣ୍ଟ ବ୍ୟାଙ୍କିଙ୍ଗ୍, କନସଲଟିଂ, ଆଇଟି, ମିଡିଆ, ପବ୍ଲିକ୍ ରିଲେସନସ୍ ଏବଂ ଆଡଭାଟାଇଜିଂ ଇତ୍ୟାଦି କ୍ଷେତ୍ରରେ ସ୍ଥାନିତ କରିଛନ୍ତି ।
