ନୂଆଦିଲ୍ଲୀ : ଆମେରିକାର ନ୍ୟୁୟର୍କ ଠାରେ ଅନୁଷ୍ଠିତ ହେବାକୁ ଥିବା ଭାରତ-ପାକିସ୍ତାନ ମନ୍ତ୍ରିସ୍ତରୀୟ ବୈଠକ ରଦ୍ଦ ହେବାପରେ ପରେ ସେନା ମୁଖ୍ୟ ବିପିନ ରାୱତ ନିଜର ମତ ଦେଇଛନ୍ତି। ସେନା ମୁଖ୍ୟ ରାୱତ କହିଛନ୍ତି, ଆମ ସରକାରଙ୍କ ନୀତି ଅନୁସାରେ ଆତଙ୍କବାଦ ଏବଂ ଶାନ୍ତି କେବେ ବି ଏକାଠି ହୋଇପାରିବେ ନାହିଁ। ତେଣୁ ପାକିସ୍ତାନ ପ୍ରଥମେ ନିଜର ଆତଙ୍କବାଦ କାର୍ଯ୍ୟକଳାପ ବନ୍ଦ କରିବାପରେ ହିଁ ଆଲୋଚନା ହୋଇପାରିବ। ସେ ଆହୁରି କହିଛନ୍ତି, ପାକିସ୍ତାନ ସବୁବେଳେ କହିଆସିଛି ଆମେ ଆତଙ୍କବାଦକୁ ପ୍ରଶୟ ଦେଉନାହୁଁ। କିନ୍ତୁ, ପାକିସ୍ତାନର ସୀମାନ୍ତ ଅଞ୍ଚଳ କିମ୍ବା ଦେଶ ମଧ୍ୟରେ ଆତଙ୍କବାଦ କାର୍ଯ୍ୟକଳାପ ଦେଖିବାକୁ ମିଳୁଛି। ଆଲୋଚନାକୁ ରଦ୍ଦ କରିବା ସରକାରଙ୍କ ନିଷ୍ପତ୍ତି ବୋଲି ରାୱତ କହିଛନ୍ତି। ବିପିନ ରାୱତଙ୍କ ମତରେ, ମୁଁ ଏହି ନିଷ୍ପତ୍ତିରେ ସହମତି କାରଣ ଆତଙ୍କବାଦ ଥିବା ସ୍ଥାନରେ ଶାନ୍ତିର କଥାବାର୍ତ୍ତା ହୋଇପାରିବ ନାହିଁ।
ସୂଚନାଯୋଗ୍ୟ ଯେ, ଜମ୍ମୁ-କାଶ୍ମୀରରେ ଦୁଇଜଣ ପୁଲିସ କର୍ମଚାରୀଙ୍କ ହତ୍ୟା ଏବଂ ପୋଷ୍ଟ ଷ୍ଟାମ୍ପ ଆତଙ୍କବାଦୀ ବୁରହାନୱାନିଙ୍କ ଫଟୋଚିତ୍ର ରହିବାକୁ ନେଇ ଭାରତ ଏହି ଆଲୋଚନାର ରଦ୍ଦ କରିଥିଲା।
ଆତଙ୍କବାଦ ଏବଂ ଶାନ୍ତି ଏକାଠି ହୋଇପାରିବେ ନାହିଁ : ବିପିନ ରାୱତ
Popular Categories
Previous article
Next article