ଭଦ୍ରକ: ଭଦ୍ରକ ବ୍ଲକ ବନ୍ଧଗାଁ ପଞ୍ଚାୟତ ଶ୍ରୀରାମପୁର ଗାଁରେ ଘଟିଛି ଏକ ଦୁଃଖଦ ଘଟଣା। ପୋଖାରୀରେ ବୁଡ଼ି ଚାଲିଯାଇଛି ଜଣେ ମେଧାବୀ ଛାତ୍ରଙ୍କ ଜୀବନ। ଗାଁର ରମେଶ ମହାପାତ୍ରଙ୍କ ପୁଅ ଚନ୍ଦନ ଶୁକ୍ରବାର ନିଜ ବାଡି ପୋଖରୀରେ ଗାଧୋଇବା ବେଳେ ପାଣିରେ ବୁଡିଯିବା ଯୋଗୁ ତାଙ୍କର ମୃତ୍ୟୁ ଘଟିଛି। ଚନ୍ଦନ ମାଟ୍ରିକ ପରୀକ୍ଷାରେ ୫୧୯ ନମ୍ବର ରଖିଥିଲେ। ଗତକାଲି ଫଳ ପ୍ରକାଶ ପାଇବା ପରେ ବେଶ୍ ଖୁସି ଥିଲେ ଚନ୍ଦନ ଓ ପରିବାର। ହେଲେ ଆଜିର ଅଘଟଣ ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ବ୍ୟବଚ୍ଛେଦ ପାଇଁ ଚନ୍ଦନଙ୍କ ମୃତଦେହକୁ ଭଦ୍ରକ ଡାକ୍ତରଖାନା ପଠାଯାଇଛି।
Comments are closed.