ଗୋପାଳପୁର : କଲିକତା ସ୍ଥିତ ଭାରତୀୟ ପ୍ରାଣୀ ସର୍ବେକ୍ଷଣ କେନ୍ଦ୍ରର ୧୦୯ତମ ପ୍ରତିଷ୍ଠା ଦିବସ ଅବସରରେ କେନ୍ଦ୍ର ମନ୍ତ୍ରୀ ଉପେନ୍ଦ୍ର ଯାଦବ ଉପସ୍ଥିତିରେ ବ୍ରହ୍ମପୁର ବିଶ୍ଵବିଦ୍ୟାଳୟ ଏବଂ ଜେଡଏସଆଇ ମଧ୍ୟରେ ଚୁକ୍ତିପତ୍ର ଆଦାନ ପ୍ରଦାନ ହୋଇଛି। ବ୍ରହ୍ମପୁର ବିଶ୍ଵବିଦ୍ୟାଳୟର କୁଳପତି ପ୍ରଫେସର ଗୀତାଞ୍ଜଳି ଦାଶ ଏବଂ ଜେଡଏସଆଇର ନିର୍ଦ୍ଧେଶିକା ଡ଼.ଧ୍ରୀତି ବାନାର୍ଜୀଙ୍କ ସମେତ ବୈଜ୍ଞାନିକ, ପ୍ରଫେସର ପ୍ରମୁଖ ଉପସ୍ଥିତରେ ଏହି ଚୁକ୍ତିପତ୍ର ବିନିମୟ ହୋଇଥିଲା।
ଏହି ଚୁକ୍ତି ଉଭୟଙ୍କ ମଧ୍ୟରେ ଶିକ୍ଷା, ଗବେଷଣା ଓ ପରୀକ୍ଷାଗାର, ଅଧ୍ୟାପକ, ଅଧ୍ୟାପିକା, ଗବେଷକ, ଗବେଷିକା, ଛାତ୍ର ଛାତ୍ରୀ ଉନ୍ନତମାନର ଜ୍ଞାନ କୌଶଳ ଆହରୋଣ କରିପାରିବେ। ତାହାସହ ଛାତ୍ର,ଛାତ୍ରୀ ମାନେ ଉଭୟ ଅନୁଷ୍ଠାନରେ ନାମ ପଞ୍ଜିକୃତ କରି ପିଏଚଡ଼ିର ସୁବିଧା ସୁଯୋଗ ପାଇଁ ପାରିବେ। ପ୍ରାଣୀ ବିଜ୍ଞାନ, ସାମୁଦ୍ରିକ ବିଜ୍ଞାନ, ପରିବେଶ ବିଜ୍ଞାନ ଏବଂ ବୈଦୁତ ପ୍ରଯୁକ୍ତି ବିଦ୍ୟାର ଛାତ୍ରଛାତ୍ରୀ ଉପକୃତ ହୋଇ ପାରିବେ ବୋଲି ବିଶ୍ଵବିଦ୍ୟାଳୟ ପକ୍ଷରୁ ସୂଚନା ମିଳିଛି ।
