ବେଗୁନିଆ: ବେଗୁନିଆ ବ୍ଲକ ଅନ୍ତର୍ଗତ ସିକୋ ପଞ୍ଚାୟତ କାର୍ଯ୍ୟାଳୟ ନିକଟସ୍ଥ ଚନ୍ଦ୍ରଶେଖରପୁରଠାରେ ଥିବା ଏଏନଏମ୍ ସେଣ୍ଟର ମରାମତି ଏବଂ ପ୍ରାଚୀର ନିର୍ମାଣ ପାଇଁ୨୦୨୦-୨୧ଆର୍ଥିକ ବର୍ଷରେ ୫ମ ସିଏଫସି ଅନଟାଏଡ଼ ଫଣ୍ଡରୁ ୨ ଲକ୍ଷ ୧୦ହଜାର ଟଙ୍କା ଆସିଥିବାବେଳେ କାର୍ଯ୍ୟ ଆଦୌ କରା ନଯାଇ କେବଳ ରଙ୍ଗ ମାରି ବାକି ଅର୍ଥ ବାଟମାରଣା କରାଯାଇଥିବା ଅଭିଯୋଗ ହୋଇଛି । ଏହି କାର୍ଯ୍ୟର କାର୍ଯ୍ୟାଦେଶ ବିଭାଗୀୟ କର୍ମଚାରୀଙ୍କ ନାମରେ ରହିଥିଲା । ଉକ୍ତ ଏଏନଏମ୍ ସେଣ୍ଟରଟି ଜରାଜୀର୍ଣ୍ଣ ଅବସ୍ଥାରେ ପଡିଥିବା ଯୋଗୁଁ କେହି ସେଠାରେ ରହିପାରୁନାହାନ୍ତି । ସେହି ଅର୍ଥରେ ଘରଟିର କୌଣସି କାମ ନହେବା ଯୋଗୁଁ ଏବଂ ଉକ୍ତ ଘରେ ପାଣି ଗଳୁଛି ଏବଂ ଏଠାରେ ପାଣି ସମସ୍ୟା ଲାଗି ରହିଥିବାରୁ ଏଏନଏମ୍ ସବିତା ପ୍ରଧାନ ଏଏନଏମ୍ ସେଣ୍ଟରରେ ନରହି ବୋତଳମାରେ ଘର ଭଡା ନେଇ ରହୁଥିଲେ । ସ୍ୱାସ୍ଥ୍ୟ ସେବା କ୍ଷେତ୍ରରେ ତାଙ୍କ ଅନୁପସ୍ଥିତିକୁ ନେଇ ସମସ୍ୟା ଦେଖା ଦେବାରୁ ସିକୋ ଗ୍ରାମର କିଛି ଭଦ୍ରବ୍ୟକ୍ତି ତାଙ୍କୁ ସିକୋରେ ରହିବା ପାଇଁ କହିବାରୁ ସେ ଏବେ ଅବହେଳିତ ଅବସ୍ଥାରେ ପଡିଥିବା ସ୍ୱାସ୍ଥ୍ୟକେନ୍ଦ୍ରର ଏକ କ୍ୱାର୍ଟରରେ ରହୁଛନ୍ତି । ସେଠାରେ ମଧ୍ୟ ପାଣି ଏବଂ ବିଜୁଳିର ଅସୁବିଧା ଲାଗି ରହିଛି । ଜାନୁଆରୀ ୯ ତାରିଖରେ ଏଠାରେ ଜଣେ ସିଏଚଓ ଅର୍ପିତା ରଥ ଯୋଗ ଦେଇଥିବାବେଳେ ଏଠାରେ ରହିବାର ସୁବିଧା ନଥିବାରୁ ସେ ବାଧ୍ୟ ହୋଇ ହୀରାପୁର ପଞ୍ଚାୟତ ଅନ୍ତର୍ଗତ ରାୟମୂଳ ଗ୍ରାମରୁ ଯିବା ଆସିବା କରୁଛନ୍ତି । ଏହି ଅର୍ଥ ବାଟମାରଣା ସମ୍ପର୍କରେ ସରପଞ୍ଚ ସନ୍ତୋଷୀ ରାୟ ଆଜି ବ୍ଲକରେ କନିଷ୍ଠ ଯନ୍ତ୍ରୀଙ୍କ ସହିତ କଥାବାର୍ତ୍ତା ହୋଇଥିବାର ଜଣାପଡିଛି । ବ୍ଲକର ବିଭିନ୍ନ ପଞ୍ଚାୟତରେ ଏହିଭଳି କାମ ନକରି ଲକ୍ଷ ଲକ୍ଷ ଟଙ୍କା ଚଳୁ ହେଉଛି । କିନ୍ତୁ ତା’ ଉପରେ ତଦନ୍ତ କରାଯାଇ ଆଜି ପର୍ଯ୍ୟନ୍ତ କୌଣସି ସ୍ଥାନରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାର ଦୃଷ୍ଟାନ୍ତ ଦେଖିବାକୁ ମିଳିନାହିଁ ।
Popular Categories
Previous article
Next article