ଭୁବନେଶ୍ୱର (ସମାଜ ଡିଜିଟାଲ୍ ଡେସ୍କ)- ମାଟ୍ରିକ୍ ପରୀକ୍ଷା କେନ୍ଦ୍ରରେ ମହୁମାଛି ଆକ୍ରମଣ । କେନ୍ଦୁଝର ଜିଲ୍ଲା ହରିଚନ୍ଦନପୁର ବାଳିକା ଉଚ୍ଚ ବିଦ୍ୟାଳୟରେ ଏହି ଘଟଣା ଘଟିଛି । ଏଥିରେ ୧୦ ଜଣ ପରୀକ୍ଷାର୍ଥୀ ମହୁମାଛି ଆକ୍ରମଣର ଶିକାର ହୋଇଥିବା ଜଣା ପଡିଛି । ପରୀକ୍ଷା କେନ୍ଦ୍ରର ସହକାରୀ ଶିକ୍ଷକ କିଶର ମହାନ୍ତି ଏଥିରେ ଗୁରୁତର ହୋଇଛନ୍ତି ।
ପରୀକ୍ଷା କେନ୍ଦ୍ର ନିକଟରେ ଥିବା ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟରେ ଥିବା ଗଛରେ ମହୁଫେଣା ରହିଛି । କିଛି ଚଢେଇ ଏହା ଉପରେ ବସିଯିବାରୁ ଗତକାଲି ରାସ୍ତାରେ ଯାଉଥିବା ଲୋକଙ୍କୁ ମହୁମାଛି ଆକ୍ରମଣ କରିଥିଲେ । ସୋମବାରରେ ମହୁମାଛି ପରୀକ୍ଷାର୍ଥୀଙ୍କ ସହ ଶିକ୍ଷକଙ୍କୁ ଆକ୍ରମଣ କରିଛନ୍ତି ।
Comments are closed.