ବରୁଣସିଂ ପଞ୍ଚାୟତରେ ପ୍ରଚାର ଜୋରଦାର, ଉପଯୁକ୍ତ ପ୍ରାର୍ଥୀଙ୍କୁ ଭୋଟ ଦେବାକୁ ଭୋଟରଙ୍କୁ ବୁଝାଉଛନ୍ତି ସମିତି ସଭ୍ୟ ପ୍ରାର୍ଥୀ

ବାଲେଶ୍ୱର/ରେମୁଣା: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ତାରିଖ ପାଖେଇ ଆସୁଥିବା ବେଳେ ଏଠାରେ ନିର୍ବାଚନ ପ୍ରଚାର ଜୋରଦାର ହୋଇଥିବା ପରିଲକ୍ଷିତ ହେଉଛି। ଜିଲା ପରିଷଦ, ସମିତି ସଭ୍ୟ ଏବଂ ସରପଞ୍ଚ ଆଶାୟୀ ପ୍ରାର୍ଥୀମାନେ ପଞ୍ଚାୟତ ଅଧିନସ୍ଥ ସମସ୍ତ ୧୮ଟି ୱାର୍ଡର ଘରକୁ ଘର ବୁଲି ଭୋଟରଙ୍କୁ ବୁଝାଉଥିବା ଦେଖିବାକୁ ମିଳୁଛି।  ରାଜ୍ୟ ବର୍ତ୍ତମାନ ପ୍ରଗତି ପଥରେ ଆଗକୁ ବଢୁଥିବା ବେଳେ ବରୁଣସିଂ ପଞ୍ଚାୟତ ଏହି ଧାରାରେ ସାମିଲ ହୋଇ ଏ ଅଞ୍ଚଳର ସବୁଠୁ ସୁନ୍ଦର ପଞ୍ଚାୟତ ଭାବେ ଗଢି ତୋଳିବାକୁ ସମସ୍ତ ପଞ୍ଚାୟତବାସୀ ଏକାଠି ହେବାକୁ ପ୍ରାର୍ଥୀମାନେ ଲୋକଙ୍କୁ ବାର୍ତ୍ତା ଦେଉଛନ୍ତି। ଅଞ୍ଚଳର ଶିକ୍ଷିତ ସମିତି ସଭ୍ୟ ପ୍ରାର୍ଥୀ ଶାନ୍ତା ଦାସଙ୍କ ମାର୍ଜିତ ବ୍ୟବହାର ଏବଂ ଏ ଅଞ୍ଚଳ ପାଇଁ କିଛି କରିବାର ଉତ୍କଣ୍ଠା ଅଞ୍ଚଳବାସୀଙ୍କୁ ବେଶ ପ୍ରଭାବିତ କରୁଥିବା ପରିଲକ୍ଷିତ ହେଉଛି।

ପୂର୍ବରୁ ଏ ଅଞ୍ଚଳର ନିର୍ବାଚିତ ପ୍ରତିନିଧି ମାନେ ଏଇ ଅଞ୍ଚଳବାସୀଙ୍କୁ ଯେଉଁଭଳି ଭାବେ ପ୍ରତାରିତ କରିଛନ୍ତି ତାହାକୁ ଉଚିତ ଜବାବ ଦେବାପାଇଁ ଏବଂ ଏ ଅଞ୍ଚଳର ଅଧୁରା କାମକୁ ପୂରା କରିବା ପାଇଁ ଶିକ୍ଷିତ, ଦାୟିତ୍ୱସମ୍ପର୍ଣ୍ଣ ଏବଂ ଲୋକଙ୍କ ସୁଖ ଦୁଃଖ ବୁଝୁଥିବା ଭଲ ପ୍ରାର୍ଥୀଙ୍କୁ ଭୋଟ ଦେବା ପାଇଁ ଶାନ୍ତା ଦାସ ଲୋକଙ୍କୁ ବୁଝାଉଛନ୍ତି। ପ୍ରଲୋଭିତ ନ ହୋଇ ନିଜ ମୂଲ୍ୟବାନ ଭୋଟକୁ ଉପଯୁକ୍ତ ପ୍ରାର୍ଥୀଙ୍କୁ ଦେବାପାଇଁ ସେ ଲୋକଙ୍କୁ ବୁଝାଉଥିବା ପରିଲକ୍ଷିତ ହେଉଛି। ଶିକ୍ଷିତ ପ୍ରାର୍ଥୀଙ୍କ ଡିଜିଟାଲ ପ୍ରଚାର ସାଙ୍ଗକୁ ଭୋଟ ସମ୍ପର୍କିତ ସଚେତନତା ବାର୍ତ୍ତାକୁ ଜନସାଧାରଣ ବେଶ ପସନ୍ଦ କରୁଛନ୍ତି।