କଳାପଥର(ବାଙ୍କୀ):ବାଙ୍କୀ ବ୍ଳକ ଅନ୍ତର୍ଗତ ଜଗନ୍ନାଥପୁର, ବଳଭଦ୍ରପୁର ଏବଂ କେନ୍ଦୁପଲ୍ଲୀ ପଞ୍ଚାୟତରେ ଏକାଧିକ ବ୍ୟକ୍ତି କରୋନା ଆକ୍ରାନ୍ତ ହେବାପରେ ସଂପୃକ୍ତ ପଞ୍ଚାୟତକୁ ସ୍ଥାନୀୟ ସରପଞ୍ଚ ୭୨ ଘଣ୍ଟିଆ ସଟ୍ଡାଉନ ଘୋଷଣା କରିଛନ୍ତି। ଏହି ମର୍ମରେ ବାଙ୍କୀ ତହସିଲଦାର ଜନସାଧାରଣଙ୍କ ଅବଗତି ନିମନ୍ତେ ନୋଟିସ୍ ଜାରି କରିବା ସହିତ ମାଇକ ପ୍ରଚାର କରିଥିଲେ। ଏହି ତିନି ପଞ୍ଚାୟତର ଲୋକମାନେ ଘରୁ ବାହାରକୁ ନବାହାରିବା ସହ ଅନ୍ୟ ପଞ୍ଚାୟତକୁ ନଯିବାକୁ ନିର୍ଦେଶ ଦିଆଯାଇଛି। ଗତକାଲି କେନ୍ଦୁପଲ୍ଲୀ ପଞ୍ଚାୟତ ଅଧିନସ୍ଥ ନୁଆସାହି ଗ୍ରାମରୁ ଜଣେ, ସୁନ୍ଦରିସାହିରି ଜଣେ ଏବଂ ଜଗନ୍ନାଥପୁର ପଞ୍ଚାୟତ ହରିଜନ ସାହରୁ ୨ ଜଣ କରୋନା ଆକ୍ରାନ୍ତ ହୋଇଥିବା ଜଣାପଡ଼ିଥିଲା। ଏହି ପଞ୍ଚାୟତକୁ ସହିତ ବଳଭଦ୍ରପୁର ପଞ୍ଚାୟତ ନିକଟରେ ରହିଥିବାରୁ ୩ଟି ପଞ୍ଚାୟତକୁ ୭୨ ଘଣ୍ଟା ସଟଡାଉନ ଘୋଷଣା କରାଯାଇଛି ବୋଲି ସରପଞ୍ଚ ଘୋଷଣା କରିଛନ୍ତି।
Popular Categories
Previous article
Next article