ବାଙ୍କୀ : ବାଙ୍କୀ ନିୟନ୍ତ୍ରିତ ବଜାର କମିଟି ସୌଜନ୍ୟତାରେ ମଙ୍ଗଳବାର ଦିନ ସ୍ଥାନୀୟ ଶିମିଳିପୁର ସେବା ସମବାୟ ସମିତିରେ ରବି ଧାନମଣ୍ଡିର ଶୁଭ ଉଦ୍ଦ୍ଘାଟନ ହୋଇଛି। ସରପଞ୍ଚ ସୁକାନ୍ତ କୁମାର ବେହେରା,ସମିତିସଭ୍ୟା ଝୁନୁ ନାୟକ ଏବଂ ଉପସହକାରୀ ନିବନ୍ଧକ ଜ୍ୟୋତିରଞ୍ଜନ ସେଠୀ ପ୍ରମୁଖ ସମ୍ମାନୀତ ଅତିଥି ଭାବରେ ଯୋଗଦେଇ ମଣ୍ଡିରେ ରବିଧାନ କିଣିବାର ଶୁଭାରମ୍ଭ କରିଛନ୍ତି। ସେବା ସମବାୟ ସମିତିର ସମ୍ପାଦକ ଫକୀର ନାୟକଙ୍କ ସଞ୍ଚାଳନରେ ଅନୁଷ୍ଠିତ ମଣ୍ଡିରେ ପୂର୍ବତନ ସଭାପତି ମନୋଜ କୁମାର ସ୍ୱାଇଁ,ସରୋଜ କୁମାର ସାହୁ,ରାଧାମୋହନ ସ୍ୱାଇଁ,ଗୋବର୍ଦ୍ଧନ ନାୟକ,ଜିତେନ ନାୟକ,ଶରତ ଦଳେଇ,ସନ୍ତୋଷ କୁମାର ସାହୁ ପ୍ରମୁଖ ଅନ୍ୟତମ ଅତିଥି ଭାବରେ ଉପସ୍ଥିତ ଥିଲେ। ସମ୍ପାଦକଙ୍କ ସୂଚନା ଅନୁଯାୟୀ ସମିତିର ପଞ୍ଜୀକୃତ ୧୮୦ଜଣ ଚାଷୀଙ୍କ ଠାରୁ ଚଳିତ ମଣ୍ଡିରେ ଧାନ କ୍ରୟ କରାଯିବ। ୧ମ ପର୍ଯ୍ୟାୟରେ ଚାଷୀ ମାନଙ୍କ ଠାରୁ ୩ହଜାର ୩୪୨କ୍ୱିଣ୍ଟାଲ ଧାନ କିଣାଯିବା ପାଇଁ ଜିଲ୍ଲା ଯୋଗାଣ ବିଭାଗରୁ ଧାର୍ଯ୍ୟ ଅନୁମତି ମିଳିଛି। ପରବର୍ତ୍ତୀ ଅବସ୍ଥାରେ ପର୍ଯ୍ୟାୟ କ୍ରମେ ଚାଷୀଙ୍କ ଠାରୁ ଅଧିକ ଧାନ କିଣାଯିବ। ଆଜି ଚାଷୀ ଗୋବର୍ଦ୍ଧନ ନାୟକ,ଫକୀର ନାୟକ,ଲକ୍ଷ୍ମୀପ୍ରିୟା ସାହୁ,ନିରଞ୍ଜନ ନାୟକ,ମଧୁସୂଦନ ରାଉତ,କୃଷ୍ଣ ମୋହନ ସ୍ୱାଇଁ,କଳ୍ପତରୁ ଭୂଇଁଆ,ପ୍ରଦୀପ ରାଉତ,ପବିତ୍ର ନାୟକ,ନିମେଇ ଚରଣ ସାହୁ ପ୍ରମୁଖ ୧୧ଜଣ ଚାଷୀଙ୍କ ଠାରୁ ସରକାରୀ ଧାର୍ଯ୍ୟ ଦରରେ ୪୬୫କ୍ୱିଣ୍ଟାଲ ଧାନ କିଣାଯାଇଛି।
Comments are closed.