ବାଙ୍କୀ : ସ୍ୱାସ୍ଥ୍ୟ ପରିବାର କଲ୍ୟାଣ ବିଭାଗର ପ୍ରତ୍ୟେକ୍ଷ ତତ୍ୱାବଧାନରେ ଗୁରୁବାର ଦିନ ଜାତୀୟ କୃମି ନାଶକ ଦିବସ ପାଳନ ତଥା ବାତଜ୍ୱର ନିରାକରଣ ପାଇଁ ଡିଇସି ବଟିକା ବଣ୍ଟନ କାର୍ଯ୍ୟକ୍ରମର ଶୁଭାରମ୍ଭ ହୋଇଛି। ସୁବର୍ଣ୍ଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିଚାଳନାରେ ଗୁରୁବାର ଦିନ ସ୍ଥାନୀୟ ସରଣ୍ଡା ବିଦ୍ୟାପୀଠ ପରିସରରେ ଏହି କାର୍ଯ୍ୟକ୍ରମର ଶୁଭାରମ୍ଭ କରାଯାଇ ବିଦ୍ୟାଳୟରେ ଉପସ୍ଥିତ ଥିବା ଛାତ୍ର ଛାତ୍ରୀ ମାନଙ୍କୁ ଦିବସ ସମ୍ପର୍କରେ ଅବଗତ କରାଯାଇ ୧୦୭ ଜଣଙ୍କୁ କୃମି ନାଶକ ବଟିକା ସେବନ କରାଯାଇଛି।
ସୂଚନା ଅନୁଯାୟୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅନ୍ତର୍ଗତ ୨୧ଗୋଟି ସ୍ୱାସ୍ଥ୍ୟ ଉପକେନ୍ଦ୍ରରେ ଆଶା,ଅଙ୍ଗନବାଡି କର୍ମୀ,ସ୍ୱାସ୍ଥ୍ୟକର୍ମୀ ଓ ସ୍ୱାସ୍ଥ୍ୟ ପରିଦର୍ଶକଙ୍କ ସହାୟତାରେ ବାତଜ୍ୱର ଓ ଜାତୀୟ କୃମି ନାଶକ ଦିବସର ଅନୁରୂପ ଶୁଭାରମ୍ଭ କରାଯାଇଛି। ସରଣ୍ଡା ଠାରେ ଆୟୋଜିତ କାର୍ଯ୍ୟକ୍ରମରେ ଜନସ୍ୱାସ୍ଥ୍ୟ ସମ୍ପ୍ରସାରଣ ଅଧିକାରୀ ପ୍ରଦୀପ୍ତ କୁମାର ସାହୁ,ବିଶ୍ୱ ସ୍ୱାସ୍ଥ୍ୟ ସଂଗଠନର ସଦସ୍ୟ ସୁଦିପ୍ତ ବେହେରା,ଜିଲ୍ଲା ସ୍ତରୀୟ ପ୍ରଶିକ୍ଷକ କାହ୍ନୁ ଚରଣ ମହାପାତ୍ର,ସ୍ୱାସ୍ଥ୍ୟ ପରିଦର୍ଶକ ମାନଭଞ୍ଜନ ଦଳାଇ,ଏ.ଏନ.ଏମ ମଞ୍ଜୁଲତା ଦାସ,ଆଶା କର୍ମୀ ଛବିରାଣୀ ସାହୁ ପ୍ରମୁଖ ଉପସ୍ଥିତ ରହି ଛାତ୍ର ଛାତ୍ରୀ ମାନଙ୍କୁ ବାତଜ୍ୱର ନିରାକରଣ ସମ୍ପର୍କିତ ଉପାଦେୟ ଆଲୋଚନା କରିଥିଲେ। ଫେବ୍ରୁଆରୀ ୧୦ତାରିଖରୁ ୧୯ତାରିଖ ପର୍ଯ୍ୟନ୍ତ ବାଙ୍କୀ ବ୍ଲକରେ ସ୍ୱାସ୍ଥ୍ୟ କର୍ମୀ ମାନେ ଘର ଘର ବୁଲି ୧ଲକ୍ଷ ୧୨ହଜାର ୭୬୮ଜଣଙ୍କୁ ଏହି ମାତ୍ରା ଖୁଆଇବେ ବୋଲି ସୂଚନା ମିଳିଛି।
ଜାତୀୟ କୃମି ନାଶକ ଦିବସ ଓ ବାତଜ୍ୱର ନିରାକରଣ ଔଷଧ ସେବନ ଶୁଭାରମ୍ଭ
Popular Categories
Previous article
Next article