ନୂଆଦିଲ୍ଲୀ: ଲକ୍ଡ଼ାଉନ ଯୋଗୁଁ ବିଭିନ୍ନ ଦେଶରେ ଅଟକି ରହିଥିବା ଭାରତୀୟଙ୍କୁ ଫେରାଇ ଆଣିବା ପାଇଁ ଭାରତ ସରକାର ଆରମ୍ଭ କରିଛନ୍ତି ଯୋଜନା । ବନ୍ଦେ ଭାରତ ମିଶନରେ ଉଭୟ ଜଳ ଓ ଆକାଶପଥରେ ପ୍ରବାସୀଙ୍କୁ ଫେରାଇ ଆଣିବାକୁ ବ୍ୟବସ୍ଥା ହୋଇଛି । ପ୍ରଥମ ପର୍ଯ୍ୟାୟରେ ବିଭିନ୍ନ ଦେଶରୁ ୬୪ ବିମାନରେ ପ୍ରବାସୀଙ୍କ ଫେରନ୍ତା ବ୍ୟବସ୍ଥା କରାଯାଇଛି । ୧୫ ତାରିଖ ପର୍ଯ୍ୟନ୍ତ ପ୍ରଥମ ପର୍ଯ୍ୟାୟ ମିଶନ ଶେଷ ପରେ ୧୬ରୁ ଦ୍ବିତୀୟ ପର୍ଯ୍ୟାୟ ମିଶନ ଆରମ୍ଭ ହେବ । ଦ୍ବିତୀୟ ପର୍ଯ୍ୟାୟରେ ୧୪୯ଟି ବିମାନରେ ୩୧ ଦେଶର ପ୍ରବାସୀ ଭାରତ ଫେରିବେ ବୋଲି ସୂଚନା ମିଳିଛି ।
The second phase of #VandeBharatMission will be launched from 16-22 May. It will bring back Indians from 31 countries. 149 flights including feeder flights will be deployed: Sources pic.twitter.com/SJYwCCpcBI
— ANI (@ANI) May 12, 2020
ବନ୍ଦେ ଭାରତ ମିଶନ ଜରିଆରେ ଆଜି ୪ଟି ବିମାନରେ ପ୍ରବାସୀ ଭାରତ ଫେରୁଛନ୍ତି । ଗୋଟିଏ ବିମାନ ଢ଼ାକାରୁ ବାହାରିବାକୁ ଥିବାବେଳେ ମଧ୍ୟପ୍ରାଚ୍ୟର ୩ ସହର କୁଏତ, ମସ୍କଟ ଏବଂ ସାରଜାରୁ ପ୍ରବାସୀ ଭାରତ ଫେରୁଛନ୍ତି । ପୂର୍ବରୁ ବାହାରିନ୍, ଦୁବାଇ, ସିଙ୍ଗାପୁର, ଢ଼ାକାରୁ କେତୋଟି ବିମାନ ଭାରତ ଆସିଛି । ବର୍ତମାନ ପ୍ରାୟ ୮୦ ହଜାର ପ୍ରବାସୀ ଭାରତ ଫେରିବାକୁ ପଞ୍ଜିକରଣ କରିଛନ୍ତି ଏବଂ ଏମାନଙ୍କ ମଧ୍ୟରେ ପ୍ରାୟ ଏକ ତୃତୀୟାଂଶ ଛାତ୍ରଛାତ୍ରୀ ରହିଛନ୍ତି । ଅନ୍ୟପକ୍ଷରେ ଦ୍ବିତୀୟ ପର୍ଯ୍ୟାୟରେ ବନ୍ଦେ ଭାରତ ମିଶନରେ ଭୁବନେଶ୍ବରକୁ ୩ଟି ବିମାନ ଆସିବ ବୋଲି ସ୍ଥିର ହୋଇଛି ।
