ମୁମ୍ବଇ : ଅମିତାଭ ବଚ୍ଚନ-ତାପସୀ ପନ୍ନୁଙ୍କ ଅଭିନୀତ ଚଳଚ୍ଚିତ୍ର ‘ବଦଲା’ ର ଟ୍ରେଲର ମଙ୍ଗଳବାର(୧୨ ପେବୃଆରୀ) ରିଲିଜ୍ ହୋଇଛି। ୨ ମିନିଟ୍ ୨୧ ସେକେଣ୍ଡର ଏହି ଟ୍ରେଲରରେ ଚଳଚ୍ଚିତ୍ର କାହାଣୀ ସ୍ପଷ୍ଟ ନଜର ଆସିଛି। ଏହା ଏକ ହତ୍ୟା ରହସ୍ୟ ଭିତ୍ତିକ ଚଳଚ୍ଚିତ୍ର। ସୁଜୋୟ ଘୋଷଙ୍କ ନିର୍ଦ୍ଦେଶନା ଓ ଶାହାରୁଖ ଖାନଙ୍କ ପ୍ରଡକ୍ସନ ହାଉସ ରେଡ଼ ଚିଲି ଏଣ୍ଟରଟେନମେଣ୍ଟର ପ୍ରଯୋଜନାରେ ଏହି ଚଳଚ୍ଚିତ୍ରଟି ନିର୍ମିତ ହୋଇଛି। ଅମିତାଭ ଓ ତାପସୀଙ୍କ ବ୍ୟତୀତ ଚଳଚ୍ଚିତ୍ରରେ ଅମୃତା ସିଂହ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ହେଲେ ଟ୍ରେଲରରେ କେବଳ ତାଙ୍କର ଏକ ଝଲକ ଦେଖିବାକୁ ମିଳିଛି। ଏହି ଚଳଚ୍ଚିତ୍ର ୮ ମାର୍ଚ୍ଚରେ ମୁକ୍ତିଲାଭ କରିବ।
