ପରଦାକୁ ଆସିଲା ‘ବଦଲା’ : ପ୍ରଥମ ଦିନରେ କରିପାରେ ଏପରି ବ୍ୟବସାୟ
ମୁମ୍ବଇ : ଅମିତାଭ ବଚ୍ଚନ-ତାପସୀ ପନ୍ନୁଙ୍କ ଅଭିନୀତ ଚଳଚ୍ଚିତ୍ର ‘ବଦଲା’ ଶୁକ୍ରବାର(୮ ମାର୍ଚ୍ଚ) ମୁକ୍ତିଲାଭ କରିଛି। ସୁଜୟ ଘୋଷ ଏହାର ନିର୍ଦ୍ଦେଶନା ଭାର ବହନ କରିଥିବା ବେଳେ ଶାହାରୁଖ୍ ଖାନଙ୍କ କମ୍ପାନୀ ରେଡ଼୍ ଚିଲି ଏଣ୍ଟରଟେନମେଣ୍ଟ ଚଳଚ୍ଚିତ୍ରର ପ୍ରଯୋଜନା ଦାୟିତ୍ୱ ବହନ କରିଛି। ଏହା ଏକ ସ୍ପେନିଶ୍ ଚଳଚ୍ଚିତ୍ର ଉପରେ ଆଧାରିତ। ଟ୍ରେଲର ରିଲିଜ୍ ହେବା ପରଠାରୁ ହିଁ ଚଳଚ୍ଚିତ୍ରକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି। ସୂଚନା ଅନୁସାରେ, ‘ବଦଲା’କୁ ପ୍ରାୟ ୨୨୦୦ ପରଦାରେ ମୁକ୍ତିଲାଭ କରାଯାଇଛି। ପ୍ରାୟ ୩୦ କୋଟି ଟଙ୍କାର ବଜେଟରେ ନିର୍ମିତ ଏହି ଚଳଚ୍ଚିତ୍ର ପ୍ରଥମ ଦିନରେ ୩-୪ କୋଟି ଟଙ୍କା ଆୟ କରିବ ବୋଲି ଆଶା କରାଯାଉଛି।
ଉଲ୍ଲେଖଯୋଗ୍ୟ, ପୂର୍ବରୁ ଅମିତାଭ ଓ ତାପସୀଙ୍କ ଯୋଡ଼ିକୁ ‘ପିଙ୍କ୍’ ଚଳଚ୍ଚିତ୍ରରେ ଦେଖିବାକୁ ମିଳିଥିଲା। ଏହା ବକ୍ସ ଅଫିସରେ ଭଲ ପ୍ରଦର୍ଶନ ମଧ୍ୟ କରିଥିଲା।