ବଡ଼ସାହି : ମୟୁରଭଞ୍ଜ ଜିଲା ବଡ଼ସାହି ଥାନା ଅନ୍ତର୍ଗତ ସିଂହଟିଆ ଗ୍ରାମର ଜଣେ ଯୁବକ ଶନିବାର ବଡ଼ସାହି ବ୍ଲକ ନିକଟ ପୋଖରୀରେ ବୁଡି ମୄତ୍ୟୁ ବରଣ କରିଛନ୍ତି। ମୃତକ ଜଣଙ୍କ ହେଲେ ରାମ ବେହେରା(୫୦)।
ସୂଚନା ଅନୁଯାୟୀ, ରାମ ତାଙ୍କ ପତ୍ନୀ ସହିତ ଘରକୁ ଘର ବୁଲି ଭିକ୍ଷା କରିବା ପାଇଁ ବଡ଼ସାହି ଅଞ୍ଚଳକୁ ଆସିଥିଲେ। ମଧ୍ୟାହ୍ନ ୧୨ଟା ପାଖାପାଖି ସମୟରେ ବ୍ଲକ କାର୍ଯ୍ୟାଳୟ ସମ୍ମୁଖ ପୋଖରୀରେ ସେ ଗାଧୋଉ ଥିବା ବେଳେ ଗୋଡ ଖସିଯିବାରୁ ପାଣିରେ ବୁଡି ଯାଇଥିଲେ। ଏହା ଦେଖି ପତ୍ନୀ ପାଟି କରିବାରୁ ସ୍ଥାନୀୟ ଲୋକେ ଦମକଳ ବାହିନୀକୁ ଖବର ଦେଇଥିଲେ । ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରି ବଡ଼ସାହି ଡ଼ାକ୍ତରଖାନାରେ ଭର୍ତ୍ତି କରିଥିଲେ। ମାତ୍ର ଡ଼ାକ୍ତର ମୄତ ଘୋଷଣା କରିଛନ୍ତି । ଖବରପାଇ ବଡ଼ସାହି ପୁଲିସ ଡ଼ାକ୍ତରଖାନାରେ ପହଞ୍ଚି ତଦନ୍ତ ପୂର୍ବକ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ପଠାଇଛି ।
