ନୂଆଦିଲ୍ଲୀ : ଅଯୋଧ୍ୟା ରାମ ଜନ୍ମଭୂମି ଏବଂ ବାବ୍ରି ମସଜିଦ୍ ଜମି ବିବାଦ ମାମଲାର ଶୁଣାଣି ପାଇଁ ମଙ୍ଗଳବାର ସୁପ୍ରିମକୋର୍ଟ ୫ ଜଣିଆ ବିଚାରପତିଙ୍କ ଏକ ସାମ୍ବିଧାନିକ ଖଣ୍ଡପୀଠ ଗଠନ କରିଛନ୍ତି। ଏହି ପୀଠ ଜାନୁଆରୀ ୧୦ରୁ ମାମଲାର ଶୁଣାଣି କରିବ। ପ୍ରଧାନ ବିଚାରପତି ଜଷ୍ଟିସ ରଂଜନ ଗୋଗୋଇ ଏହି ପୀଠର ନେତୃତ୍ୱ ନେବେ। ତାଙ୍କ ସହ ବିଚାରପତି ଜଷ୍ଟିସ୍ ଏସ୍.ଏ ବୋଡ୍ଡେ, ଜଷ୍ଟିସ୍ ଏନ୍.ଭି ରମନ୍ନା, ଜଷ୍ଟିସ୍ ୟୁ.ୟୁ ଲଳିତ ଏବଂ ଜଷ୍ଟିସ୍ ଡି.ୱାଇ ଚନ୍ଦ୍ରଚୂଡ଼ ଏହି ପୀଠରେ ଅଛନ୍ତି। ଏହି ମାମଲାରେ ତ୍ୱରିତ ଶୁଣାଣି ପାଇଁ ଦାବି ହୋଇ ଆସୁଛି। ଗତ ଜାନୁଆରୀ ୬ ଶୁଣାଣିରେ ସୁପ୍ରିମକୋର୍ଟ ମାମଲାର ଆଗୀମ ଶୁଣାଣି ପାଇଁ ଜାନୁଆରୀ ୧୦ ତାରିଖକୁ ଧାର୍ଯ୍ୟ କରିଥିଲେ ଓ ୫ ଜଣିଆ ଖଣ୍ଡପୀଠ ଗଠନ କରିବାକୁ କହିଥିଲେ।
