ବିଭିନ୍ନ ପଞ୍ଚାୟତ ବୁଲି ସଚେତନ କରୁଛନ୍ତି ଜନ ସମ୍ପର୍କ ଅଧିକାରୀ ଏବଂ ଟିମ୍

ଫୁଲବାଣୀ : କନ୍ଧମାଳ ଜିଲ୍ଲା  ଫିରିଙ୍ଗିଆ ବ୍ଲକର  ବନ୍ଧଗଡ଼ ପଞ୍ଚାୟତ, ଫିରିଙ୍ଗିଆ ପଞ୍ଚାୟତ, ସହ ବିଭିନ୍ନ ପଞ୍ଚାୟତରେ ଅପମିଶ୍ରିତ ପିଡ଼ିଏସ ଚାଉଳ ଦିଆଯିବା ନେଇ ଅଭିଯୋଗ ପରେ ଅଞ୍ଚଳରେ ଭୟର ବାତାବରଣ ଦେଖାଯିବା ସହ ଚାଉଳ ନେବାକୁ ମଧ୍ୟ କିଛି ହିତାଧିକାରୀ ମନା କରିଥିଲେ ତେବେ ଏହି ଘଟଣାକୁ ନେଇ ପଞ୍ଚାୟତର ନିର୍ବାହୀ ଅଧିକାରୀ, ସରପଞ୍ଚ ଓ ଯୋଗାଣ ଅଧିକାରୀଙ୍କୁ କିଛି ହିତାଧିକାରୀ ଅପମିଶ୍ରିତ ଚାଉଳ ନେଇ ଅଭିଯୋଗ ପରେ ବ୍ଲକ ପ୍ରଶାସନ ଓ ଯୋଗାଣ ବିଭାଗ ତରଫରୁ ସ୍ପଷ୍ଟୀକରଣ ଦିଆ ଯିବା ସହ ଭିଟାମିନ ଚାଉଳ ବୋଲି କୁହାଯାଇଥିଲା। ତେବେ କିଛି ପଞ୍ଚାୟତରେ ଯୋଗାଣ ସହାୟକ ମାନେ  ହିତାଧିକାରୀ ମାନଙ୍କ ଆକ୍ରୋଶର ଶିକାର ହୋଇଥିବା ମଧ୍ୟ ଦେଖିବାକୁ ମିଳିଥିଲା। ବର୍ତ୍ତମାନ ଏହି ଘଟଣାକୁ ନେଇ ଜନସମ୍ପର୍କ ଅଧିକାରୀ ଅନୁରାଗ ମହାନ୍ତି ଓ ତାଙ୍କ ସହିତ ଟିମ୍ ପ୍ରତ୍ୟେକ ପଞ୍ଚାୟତକୁ ଯାଇ ପଞ୍ଚାୟତରେ ହିତାଧିକାରୀ ମାନଙ୍କୁ ଚାଉଳ ନେବା ସମୟରେ ଚାଉଳ ଭିଟାମିନ ଯୁକ୍ତ ଓ ଏଥିରେ କୌଣସି ଅସୁବିଧା ନାହିଁ ଏହା ଖାଇବା ଦ୍ୱାରା ଶରୀରରେ ପୋଷାକ ତତ୍ତ୍ୱ ବଢିଥାଏ ବୋଲି ସଚେତନ କରିଛନ୍ତି ।ଏହି ପରିଦର୍ଶନ ଓ ସଚେତନତା କାର୍ଯ୍ୟକ୍ରମରେ ଭୁବନେଶ୍ୱର ଜନସମ୍ପର୍କ ଅଧିକାରୀ ଅନୁରାଗ ମହାନ୍ତି, ଫିରିଙ୍ଗିଆ ଯୋଗାଣ ଅଧିକାରୀ ବାଲକୃଷ ନାୟକ, ଲ୍ୟାମ୍ପ ପରିଚାଳକ କିଶାନ ଦିଗାଲ ସାମିଲ ଥିବା ବେଳେ ସୋମବାର ଫିରିଙ୍ଗିଆ ବ୍ଲକର ଡିଣ୍ଡିରା ଗ୍ରାମ ପଞ୍ଚାୟତ, ଫିରିଙ୍ଗିଆ ପଞ୍ଚାୟତ, ବନ୍ଧଗଡ଼ ପଞ୍ଚାୟତରେ ସଚେତନ କରିବା ସହ ଏହି ଚାଉଳକୁ ନେଇ ସମସ୍ତେ ଖାଇବା ପାଇଁ ବୁଝାଇଛନ୍ତି।