ନୂଆଦିଲ୍ଲୀ : ବସ୍ ସହ ଅନେକ ଲୋକେ ନିଜ କାମକୁ ଯିବା ପାଇଁ ଅଟୋର ମଧ୍ୟ ବ୍ୟବହାର କରି ଥାନ୍ତି । ଅଟୋରେ ଆବଶ୍ୟକତା ଠାରୁ ଅଧିକ ଯାତ୍ରୀଙ୍କୁ ନେବା ମଧ୍ୟ ଆଇନ୍ ଅନୁଯାୟୀ ଅପରାଧ । ଏହା ଜାଣି ମଧ୍ୟ ଅନେକ ଅଟୋ ଚାଳକ ଅଧିକ ଯାତ୍ରୀଙ୍କୁ ଅଟୋରେ ନେଇ ଥାନ୍ତି । ନିକଟରେ ଉତ୍ତରପ୍ରଦେଶ ଝାନ୍ସୀରୁ ଏଭଳି ଏକ ଭିଡିଓ ସାମ୍ନାକୁ ଆସିଛି, ଯାହା ସଭିଁଙ୍କୁ ଆଶ୍ଚର୍ଯ୍ୟଚକିତ କରି ଦେଇଛି । ଭିଡିଓଟି ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ମଧ୍ୟ ଆକର୍ଷିତ କରୁଛି ।
ଅଟୋରେ ସାଧାରଣତଃ ୩ରୁ ୪ କିମ୍ବା ଅଧିକରୁ ଅଧିକ ୬ ଜଣ ବସି ଯାତ୍ରା କରି ପାରିବେ । ମାତ୍ର ଭାଇରାଲ୍ ଭିଡିଓରେ ଅଟୋ ଚାଳକ ଜଣକ ସମସ୍ତ ସୀମା ପାର୍ କରିଥିବା ଦେଖାଯାଇଛି । ଚାଳକ ଜଣକ ଅଟୋରେ ୫ କି ୭ ନୁହେଁ ବରଂ ୧୯ ଜଣ ଯାତ୍ରୀଙ୍କୁ ଅଟୋରେ ବସାଇ ନେଉଥିଲେ । ରାସ୍ତାରେ ପୁଲିସ ଏହା ଦେଖି ଅଟୋକୁ ଅଟକାଇବା ସହ ଯାତ୍ରୀଙ୍କୁ ଗଣି ଗଣି ଆଶ୍ଚର୍ଯ୍ୟ ହୋଇଥିଲେ । ଏହାପରେ ପୁଲିସ ଅଟୋ ଚାଳକ ବିରୁଦ୍ଧରେ ମାମଲା ରୁଜୁ ସହ ଘଟଣାର ତଦନ୍ତ ଜାରି ରଖିଛି ।
4 सीटर ऑटो में 19 सवारियां !!
📍झांसी, उत्तर प्रदेश pic.twitter.com/GTu4AvhNxQ— Sachin Gupta (@SachinGuptaUP) February 17, 2025
ଏହି ସମ୍ପୂର୍ଣ୍ଣ ଘଟଣା ଝାନ୍ସୀର ବରୁଆସାଗରର । ଏଠାରେ ଟ୍ରାଫିକ୍ ପୁଲିସ ୧୯ ଜଣ ଯାତ୍ରୀଙ୍କୁ ନେଇ ଯାଉଥିବା ଏକ ଅଟୋକୁ ଯାଞ୍ଚ ସମୟରେ ଅଟକ ରଖିଥିଲା । ଏହି ସିଏନଜି ଅଟୋରେ କେବଳ ୩ ଜଣ ଯାତ୍ରୀ ବସିବା ପାଇଁ ଆରଟିଓ ପରମିଟ୍ ମିଳିଥାଏ ।
ଯାଞ୍ଚ ସମୟରେ ପୁଲିସ ଘଟଣାର ଭିଡିଓ ରେକର୍ଡ କରିଥିଲା । ଘଟଣାର ତଦନ୍ତ ଜାରି ରଖିଛି । ଭିଡିଓକୁ ଦେଖି ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
Pay Online
Comments are closed.