ଯାତ୍ରୀବାହୀ ବସ ଓଲଟିଲା, ଯାତ୍ରୀ ସୁରକ୍ଷିତ

ଆଠଗଡ: ଆଠଗଡ ଥାନା ଅନ୍ତର୍ଗତ ଦୋରଡ ଠାରେ ଏକ ଯାତ୍ରୀବାହୀ ବସ ରାସ୍ତା କଡ ମାଟିରେ ଦବି ଓଲଟି ପଡିଥିବା ଜଣାପଡିଛି। କଟକରୁ ଆଠଗଡ ଫେରୁଥିବା ମହାବୀର ନାମକ ଉକ୍ତ ଘରୋଇ ଯାତ୍ରୀବାହୀ ବସ ଦୋରଡର ଈଶ୍ବରା ଛକ ନିକଟସ୍ଥ ଏକ ମୁଢି ଫ୍ୟାକ୍ରଟି ଠାରେ ପହଞ୍ଚିବା ସମୟରେ ହଠାତ ଏକ ଦୁଇ ଚକିଆ ମୋପେଡ ବାହାରି ବସ ସମ୍ମୁଖରେ ଏପଟ ସେପଟ ହୋଇ ପଡିଯାଇଥିଲା।

ବସ ଚାଳକ ମୋପେଡ ଆରୋହୀକୁ ବଞ୍ଚାଇବାକୁ ଯାଇ  ବସଟିକୁ ଡାହାଣ ପଟକୁ କାଟି ଦେଇଥିଲେ। ବବର୍ଷା ଓ ମାଟି ଓଦା ବସଟି ମାଟିରେ ଦବିଯାଇ ଓଲଟି ପଡିଥିଲା। ସ୍ଥାନୀୟ ଲୋକ ବରଯାତ୍ରୀଙ୍କୁ ସୁରକ୍ଷିତ ଉଦ୍ଧାର କରିଥିବା ବେଳେ ଏ ଘଟଣାରେ କେହି ସେପରି ଗୁରୁତର ଆହତ ହୋଇ ନାହାନ୍ତି। ତୁରନ୍ତ ସେଠାରୁ ବସଟି କୁ ଉଠାଇ ଦିଆଯାଇଥିଲା।