ଆଠଗଡ: ଆଠଗଡ ଥାନା ଅନ୍ତର୍ଗତ ବଡଭୂଇଁ ପଞ୍ଚାୟତ ଅଧିନ ଜାଗିଆପଡା ଗ୍ରାମରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡ ହୋଇଥିବା ଅଭିଯୋଗ ହୋଇଛି। ଜାଗିଆପଡା ଗ୍ରାମର ପ୍ରଭାତ କୁମାର ରାଉତଙ୍କୁ ବଡଭୂଇଁ ଓ ଘୋଳପୁର ଗ୍ରାମର ୩ ଜଣ ଯୁବକ ଏକ ମାମଲାରେ ସାକ୍ଷୀ ଦେବା ଘଟଣା ଏବଂ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡ କରିଥିବା ସେ ଥାନାରେ ଅଭିଯୋଗ କରିଛନ୍ତି। ୩ ଜଣ ଯୁବକ ପ୍ରଭାତଙ୍କ ଘର ସାମ୍ନାରେ ହାତରେ ଖଣ୍ତା ଧରି ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ଏକ ବୋମା ଘର ଉପରକୁ ଫୋପାଡ଼ି ଥିଲେ। ବୋମାଟି ଘରର ଦୁଆରବନ୍ଧରେ ପଡି ଫୁଟିଥିଲେ ବି ସୌଭାଗ୍ଯବସତଃ କାହାର କିଛି କ୍ଷତି ହୋଇନଥିଲା ।
ଖବର ପାଇ ପୁଲିସ ତୁରନ୍ତ ଘଟଣାସ୍ଥଳରେ ପହଞ୍ଚିବା ବେଳକୁ ଅଭିଯୁକ୍ତମାନେ ଫେରାର ହୋଇ ସାରିଥିଲେ। ଘଟଣା ସମ୍ପର୍କରେ ପ୍ରଭାତଙ୍କ ପତ୍ନୀ କୃଷ୍ଣପ୍ରିୟା ଆଠଗଡ ଥାନାରେ ଅଭିଯୋଗ କରିଛନ୍ତି। ଆଠଗଡ ପୁଲିସ ଏ ସମ୍ପର୍କରେ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛନ୍ତି।
