କଟକ : ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ବିୟୋଗରେ ଲୋକ ସେବକ ମଣ୍ଡଳର ଅଧ୍ୟକ୍ଷ ତଥା ‘ସମାଜ’ ପରିଚାଳନା ମଣ୍ଡଳୀର ଅଧ୍ୟକ୍ଷ ଦୀପକ ମାଲବ୍ୟ ଗଭୀର ଶୋକ ପ୍ରକାଶ କରିଛନ୍ତି । ନିଜ ଶୋକ ବାର୍ତ୍ତାରେ ଶ୍ରୀ ମାଲବ୍ୟ କହିଛନ୍ତି ଯେ, ଦେଶରେ ଗଣତନ୍ତ୍ର ଦ୍ୱାରା ସ୍ଥାପନ କରାଯାଇଥିବା ମୂଲ୍ୟବୋଧକୁ ବାଜପେୟୀ ଅକ୍ଷୁର୍ଣ୍ଣ ରଖିଥିଲେ। ଅଟଳ ଜୀ ନିଜ ପଦ ମାଧ୍ୟମରେ ଗଣତାନ୍ତ୍ରିକ ଶାସନ ପ୍ରଣାଳୀରେ ବର୍ତ୍ତମାନ ପର୍ଯ୍ୟନ୍ତ ଉପଲବ୍ଧିକୁ ଆହୁରି ଆଗକୁ ବଢ଼ାଇଥିଲେ। ସେ କେବଳ ଜଣେ ରାଜ ନେତା ନ ଥିଲେ, ରାଜନୀତି ତାଙ୍କ ବ୍ୟକ୍ତିତ୍ୱର ଏକ ଅଂଶ ଥିଲା। ସେ ଜଣେ ପ୍ରଖ୍ୟାତ ସାମ୍ବାଦିକ ଏବଂ କବି ଥିଲେ। ତାଙ୍କ ବିୟୋଗରେ ଦେଶର ଅପୂରଣୀୟ କ୍ଷତି ହୋଇଛି।
ସେ କହିଛନ୍ତି ଅଟଳ ଜୀ ଜଣେ ସର୍ବଗ୍ରାହୀ ନେତା ଥିଲେ । ବିଶାଳ ହୃଦୟ ଏବଂ ଚିନ୍ତାଧାରା ଯୋଗୁଁ ପ୍ରତ୍ୟକ ଦଳ ଓ ସମାଜ ତାଙ୍କୁ ସ୍ୱୀକାର କରୁଥିଲେ। ତାଙ୍କ ବିଚାରଧାରା ଦେଶର ରାଜନୀତିକୁ ମାର୍ଗ ଦର୍ଶନ କରି ଚାଲିଥିବ।
ବାଜପେୟୀଙ୍କ ବିୟୋଗରେ ଲୋକ ସେବକ ମଣ୍ଡଳ ଅଧ୍ୟକ୍ଷଙ୍କ ଶୋକ
Popular Categories
Previous article
Next article