ନୂଆଦିଲ୍ଲୀ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ଅନ୍ତରୀଣ ଜାମିନ ଆବେଦନ ଉପରେ ଅଦାଲତ କୌଣସି ପ୍ରକାର ଆଶ୍ବସ୍ତି ପ୍ରଦାନ କରି ନାହାନ୍ତି। କେଜରିୱାଲଙ୍କ ଜାମିନ ଆବେଦନ ଉପରେ ରୌଜ ଆଭେନ୍ୟୁସ୍ଥିତ ବିଚାର ବିଭାଗୀୟ ଅଦାଲତ ଶୁଣାଣି କରି ଜୁନ୍ ୫ ତାରିଖ ପର୍ଯ୍ୟନ୍ତ ରାୟ ସଂରକ୍ଷଣ ରଖିଛନ୍ତି। ତେଣୁ ସୁପ୍ରିମକୋର୍ଟଙ୍କ ନିର୍ଦେଶ ମୁତାବକ ଆଜି (ରବିବାର) କେଜ୍ରିଓ୍ବାଲ ତିହାର ଜେଲ୍ରେ ଆତ୍ମସମର୍ପଣ କରିବା ନିଶ୍ଚିତ ହୋଇଛି। କାରଣ ସୁପ୍ରିମକୋର୍ଟ କେଜ୍ରିଓ୍ବାଲଙ୍କୁ ଦେଇଥିବା ଅନ୍ତରୀଣ ଜାମିନ ଅବଧି ଶନିବାର ଶେଷ ହୋଇଛି। ଅନ୍ତରୀଣ ଜାମିନ ଅବଧି ଶେଷ ହେବା ପରେ ତାଙ୍କୁ ଜେଲ୍ରେ ଆତ୍ମ ସମର୍ପଣ କରିବାକୁ ସୁପ୍ରିମକୋର୍ଟ ନିର୍ଦେଶ ଦେଇଛନ୍ତି। ସ୍ବାସ୍ଥ୍ୟଗତ କାରଣ ଦର୍ଶାଇ କେଜରିୱାଲ ଅନ୍ତରୀଣ ଜାମିନ ଅବଧିକୁ ଏକ ସପ୍ତାହ ବୃଦ୍ଧି କରିବା ଲାଗି ଆବେଦନ କରିଥିଲେ। ଏହା ସହିତ ସେ ନିୟମିତ ଜାମିନ ପାଇଁ ମଧ୍ୟ ଆବେଦନ କରିଥିଲେ। କେଜରିୱାଲଙ୍କ ଉଭୟ ଆବେଦନକୁ ପ୍ରବର୍ତ୍ତନ ନିର୍ଦେଶାଳୟ (ଇଡି) ବିରୋଧ କରିଥିଲା। ଦିଲ୍ଲୀ ଅବକାରୀ ନୀତି ଅନିୟମିତତାକୁ ନେଇ ଇଡି କେଜରିୱାଲଙ୍କୁ ଗିରଫ କରିଛି।
Popular Categories
Previous article
Next article