ନୂଆଦିଲ୍ଲୀ : ଦିଲ୍ଲୀର ମୁଖ୍ୟ ଶାସନ ସଚିବଙ୍କୁ ଆକ୍ରମଣ ମାମଲାରେ ଗିରଫ ଆମ ଆଦମୀ ପାର୍ଟି (ଆପ୍) ବିଧାୟକ ପ୍ରକାଶ ଜରୱାଲଙ୍କୁ ଦିଲ୍ଲୀ ହାଇକୋର୍ଟ ଶୁକ୍ରବାର ଜାମିନ୍ ପ୍ରଦାନ କରିଛନ୍ତି । ଫେବୃଆରୀ ୧୯ରେ ଦିଲ୍ଲୀ ମୁଖ୍ୟ ଶାସନ ସଚିବ ଅଂଶୁ ପ୍ରକାଶଙ୍କୁ ଆକ୍ରମଣ କରାଯାଇଥିଲ । ଏହି ମାମଲାରେ ଫେବୃଆରୀ ୨୧ରେ ଆପ ବିଧାୟକ ଅମାନତୁଲ୍ଲା ଖାନ ଏବଂ ପ୍ରକାଶ ଜରୱାଲଙ୍କୁ ଗିରଫ କରାଯାଇଥିଲା । ପ୍ରକାଶ ଯେ ବୁଧବାର ଦିଲ୍ଲୀର ଏକ କୋର୍ଟ ଅମାନତୁଲ୍ଲା ଏବଂ ପ୍ରକାଶ ଜରୱାଲଙ୍କ ହାଜତ ମିଆଦିକୁ ମାର୍ଚ୍ଚ ୨୨ ପର୍ଯ୍ୟନ୍ତ ବଢାଇ ଦେଇଥିଲେ । ତେବେ ଦିଲ୍ଲୀ ହାଇକୋର୍ଟ ଶୁକ୍ରବାର ପ୍ରକାଶ ଜରୱାଲଙ୍କୁ ଜାମିନ ପ୍ରଦାନ କରିଥିବାବେଳେ ଅମାନତୁଲ୍ଲାଙ୍କ ଜାମିନ୍ ଆବେଦନର ଶୁଣାଣି ମାର୍ଚ୍ଚ ୧୨ରେ ହେବ । ଉଲ୍ଲେଖ ଯେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଘରେ ଫେବୃଆରୀ ୧୯ର ବିଳମ୍ବିତ ରାତିରେ ଅନୁଷ୍ଠିତ ବୈଠକରେ ଜରୱାଲ ଏବଂ ଅମାନତୁଲ୍ଲା ଦିଲ୍ଲୀ ମୁଖ୍ୟଶାସନ ସଚିବଙ୍କୁ ମାଡ଼ ମାରିଥିବା ଅଭିଯୋଗ ହୋଇଥିଲା । ଏହି ମାମଲାରେ ଆପର ଆଉ ୨ ବିଧାୟଙ୍କୁ ସାମିଲ କରାଯାଇ ଜେରା କରାଯାଇଛି । ଆପ ବିଧାୟକ ପ୍ରବୀଣ କୁମାରଙ୍କୁ ଦିଲ୍ଲୀ ପୁଲିସ୍ ୫ ଘଣ୍ଟାରୁ ଅଧିକ ସମୟ ଜେରା କରିଥିବା ସୂଚନା ମିଳିଛି ।
Popular Categories
Previous article
Next article