ପାଳଲହଡା : ଅନୁଗୁଳ ଜିଲା ପାଳଲହଡା ବ୍ଲକ ଅନ୍ତର୍ଗତ ମୁକ୍ତାପୁର ଗ୍ରାମରେ ଦାଦନ ଖଟିବାକୁ ଯାଇ ଜଣେ ନାବାଳକର ମୃତଦେହ ଘରକୁ ଫେରିଥିବା ଜଣାପଡିଛି। ଲୋକମାନେ କ୍ଷତିପୂରଣ ଦାବୀରେ ୩ଘଣ୍ଟା ଧରି ୪୯ ନମ୍ବର ଜାତୀୟ ରାଜପଥ ଅବରୋଧ କରିଥିଲେ।
ସୂଚନା ଅନୁଯାୟୀ, ମୁକ୍ତାପୁର ଗ୍ରାମର ଗରୀବ ଆଦିବାସୀ ବାପ ମାଆ ଛେଉଣ୍ଡ ୧୨ବର୍ଷର ନାବାଳକ ସୁଶାନ୍ତ ନାୟକ ଦୁଇ ମାସ ପୂର୍ବେ ଦାଦନ ଖଟିବାକୁ କେନ୍ଦୁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ରୁଗୁଡିହି ସ୍ଥିତ ସିଂ ଷ୍ଟୋନ କ୍ରସରରେ କାମ କରିବାକୁ ଯାଇଥିବା ବେଳେ ଗତକାଲି ହଠାତ ତାର ମୃତଦେହ ପାଳଲହଡା ଡାକ୍ତରଖାନାକୁ ଆସିଥିଲା। ତେବେ ତାର ପରିବାରରେ କେହି ପାଠ ପଢି ନଥିବାରୁ କ୍ଷତିପୂରଣ ବାବଦରେ ୧୦ହଜାର ଟଙ୍କା ପାଳଲହଡା ପୁଲିସ ସହାୟତାରେ ପ୍ରଦାନ କରି ଶବକୁ ପୋଷ୍ଟମୋର୍ଟମ କରି ହସ୍ତାନ୍ତର କରାଯାଇଥିଲା । ଗତକାଲି ଠାରୁ ନାବାଳକକୁ ହତ୍ୟା କରାଯାଇଥିବା ପ୍ରତିବାଦରେ ଶବକୁ ଦାହ ନକରି ବୁଧବାର ହଠାତ ୪୯ନମ୍ବର ଜାତୀୟ ରାଜପଥ ଉପରେ ଶବ ରଖି ତଦନ୍ତ ଦାବୀରେ ଧାରଣାରେ ବସିଥିଲେ। ଦୀର୍ଘ ତିନି ଘଣ୍ଟା ପରେ ପାଳଲହଡା ପୁଲିସ ଓ ତେଲକୋଇ ପୁଲିସର ମିଳିତ ସହାୟତାରେ ରାସ୍ତା ରୋକ ହଟିଥିଲା ସତ ହେଲେ ହତ୍ୟା କାରିକୁ ଗିରଫ ଦାବୀରେ ଏପର୍ଯ୍ୟନ୍ତ ରାସ୍ତା କଡରେ ଶବକୁ ରଖି ଶତାଧିକ ସ୍ଥାନୀୟ ଗ୍ରାମବାସୀ ବସି ରହିଥିବା ଦେଖା ଯାଇଛି। ଘଟଣା ସ୍ଥଳରେ ଉତ୍ତେଜନା ଥିବାରୁ ପୁଲିସ ପକ୍ଷରୁ କଡା ବ୍ୟବସ୍ଥା ଗ୍ରହଣ କରାଯାଇଛି ।
ଦାଦନ ଖଟିବାକୁ ଯାଇ ଫେରିଲା ମୃତ ଦେହ, ପରିବାର ପକ୍ଷରୁ ହତ୍ୟା ଅଭିଯୋଗ
Popular Categories
Previous article
Next article