ରାଉରକେଲା : ରାଉରକେଲା ସହରର ଆଉ ଦୁଇଟି ଅଞ୍ଚଳ ବୁଧବାର କଣ୍ଟନମେଣ୍ଟ ଜୋନ ଭାବେ ଘୋଷଣା କରାଯାଇଛି । ରାଉରକେଲା ମହାନଗର ନିଗମର କମିଶନର ଦିବ୍ୟଜ୍ୟୋତି ପରିଡା ଏହାକୁ ନେଇ ନିର୍ଦ୍ଦେଶନାମା ଜାରି କରିଛନ୍ତି। ସେକ୍ଟର ୫ ଗୋଲଘର ସମଗ୍ର ବାରାକ-୪ଅଞ୍ଚଳକୁ କଣ୍ଟନମେଣ୍ଟ ଜୋନ ଭାବେ ଘୋଷଣା କରାଯାଇଛି। ସେହିପରି ବାସନ୍ତୀ କଲୋନୀର ଆଂଶିକ ଅଞ୍ଚଳକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି। କ୍ୱାର୍ଟର ନମ୍ବର ଡିଏମ ୨୦ରୁ ୨୯, ଡ଼ିଏମ ୩ରୁ ୧୩କୁ କଣ୍ଟେନମେଣ୍ଟ ଜୋନ କରାଯାଇଥିବା ବେଳେ ଏହାକୁ ଲାଗି ରହିଥିବା ମୁଖ୍ୟ ମାର୍ଗ ବନ୍ଦ ରହିବ। ସେହିପରି ଏଫ ଇ ୧୨୧ରୁ ୧୩୩ କଣ୍ଟେନମେଣ୍ଟ ଜୋନ ଘୋଷଣା କରାଯାଇଥିବା ବେଳେ ଏହାକୁ ଲାଗି ରହିଥିବା କୁଷ୍ଠ ବସ୍ତିର ପ୍ରବେଶ ପଥ ବନ୍ଦ ରହିବ ବୋଲି ଘୋଷଣା କରାଯାଇଛି। ପରବର୍ତୀ ନିର୍ଦ୍ଦେଶ ପର୍ୟ୍ୟନ୍ତ ଏହା ବଳବତର ରହିବ ବୋଲି ଉଲ୍ଲେଖ ରହିଛି। ଆରଏମସି ଉପକମିଶନର ସୁଧାଂଶୁ ଭୋଇ ଏହି ଜୋନ ଦାୟିତ୍ୱରେ ଅଛନ୍ତି।
Comments are closed.