ଅମୃତସର- ଏବେ ଖଲିସ୍ତାନ ସମର୍ଥକ ଅମୃତପାଲ୍ ସିଂ ଆତ୍ମସମର୍ପଣ କରିବେ ବୋଲି ସୂଚନା ମିଳିଛି । ତେବେ ଆତ୍ମସମର୍ପଣ ପୂର୍ବରୁ ସେ ଅନେକ ସର୍ତ୍ତ ରଖିଛନ୍ତି । ଏକ ଗୁରୁଦ୍ୱାରରେ ଆତ୍ମସମର୍ପଣ କରି ସେ ଧାର୍ମିକ ସମର୍ଥନ ନେବା ପାଇଁ ଚେଷ୍ଟା କରୁଥିବା ସୂଚନା ମିଳିଛି । ଏହାପରେ ପଞ୍ଜାବ ପୁଲିସ ପକ୍ଷରୁ ସ୍ୱର୍ଣ୍ଣ ମନ୍ଦିର ଏବଂ ଅନ୍ୟ କେତକ ସ୍ଥାନରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
ଅମୃତପାଲ ସିଂ ତାଙ୍କ ଗିରଫକୁ ଆତ୍ମ ସମର୍ପଣ ବୋଲି ଦର୍ଶାଇବା ପାଇଁ କହିଛନ୍ତି , ଏହା ସହ ତାଙ୍କୁ ଗିରଫ ପରେ ପଞ୍ଜାବରେ ରଖିବା ପାଇଁ ସର୍ତ୍ତ ରଖିଛନ୍ତି । ଜେଲ୍ରେ ତାଙ୍କ ସହ ଦୁର୍ବ୍ୟବହାର ନ କରିବା ପାଇଁ ପାଇ କହିଛନ୍ତି ।
ଅମୃତପାଲ୍ ଏବେ ବେଶ ବଦଳାଇ ହରିୟାନାରୁ ପଞ୍ଜାବ ପହଞ୍ଚିଥିବା ପୁଲିସ ନିକଟରେ ସୂଚନା ରହିଛି । ପୁଲିସ ବିଭିନ୍ନ ସ୍ଥାନରେ ଅମୃତପାଲ୍ଙ୍କ ପୋଷ୍ଟର ମାରିବା ସହ ଅମୃତସର ଏବଂ ତଲଓ୍ୱାଣ୍ଡିରେ ଫ୍ଲାଗ୍ ମାର୍ଚ୍ଚ କରିଛି । ବେଆଇନ୍ ଅସ୍ତ୍ରଶସ୍ତ୍ର ଗଚ୍ଛିତ ରଖିବା ଏବଂ ଅନ୍ୟ ବିଭିନ୍ନ ମାମଲାରେ ଅମୃତପାଲ୍ ଏବେ ଫେରାର ଅଛନ୍ତି । ମାର୍ଚ୍ଚ ୧୮ ତାରିଖରୁ ସେ ଫେରାର ଥିବା ସହ ବିଭିନ୍ନ ରାଜ୍ୟ ବୁଲିଥିଲେ । ଏହା ପରେ ଏକ ଅନ୍ତର୍ଜାତୀୟ ଚ୍ୟାନେଲ୍କୁ ସାକ୍ଷାତକାର ଦେବାର ଥିଲା । ମାତ୍ର ପୁଲିସ ଏ ବିଷୟରେ ସୂଚନା ପାଇବାପରେ ସେ ତାହାକୁ ରଦ୍ଦ କରି ଅନ୍ୟ ଆଡେ ପଳାୟନ କରିଥିଲେ । ଏବେ ସେ ଆତ୍ମସମର୍ପଣ କରିବା ପାଇଁ ଇଚ୍ଛା କରିଥିବା ସୂଚନା ମିଳିଛି ।
Comments are closed.