ନୂଆଦିଲ୍ଲୀ : ସାମୁଦ୍ରିକ ଝଡ ଅମ୍ପନ ଏକ ଭୟଙ୍କର ଝଡର ରୂପ ନେଇଛି। ଏହି କାରଣରୁ ବର୍ତ୍ତମାନ ଓଡିଶାର ଉପକୂଳବର୍ତ୍ତୀ ଅଞ୍ଚଳରେ ପ୍ରବଳ ବର୍ଷାର ସମ୍ଭାବନା ରହିଛି । ଏହି ଚେତାବନୀ ପରେ ରାଜ୍ୟ ସରକାର ଏହି ଅଞ୍ଚଳରୁ ୧୧ ଲକ୍ଷ ଲୋକଙ୍କୁ ସ୍ଥାନାନ୍ତର କରିବାକୁ ପ୍ରସ୍ତୁତି ଆରମ୍ଭ କରିଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ଉଚ୍ଚସ୍ତରୀୟ ବୈଠକରେ ଏ ନେଇ ଆଲୋଚନା କରିଛନ୍ତି। ଅମ୍ପନ ଝଡ଼ ଯୋଗୁଁ କେରଳର ଅନେକ ଅଞ୍ଚଳରେ ରବିବାର ରାତିରୁ ବର୍ଷା ଜାରି ରହିଛି।
ଅଧିକାରୀମାନଙ୍କ ସହ ମୋଦୀଙ୍କ ଆଲୋଚନା
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ଏକ ଉଚ୍ଚସ୍ତରୀୟ ବୈଠକରେ ଅମ୍ପନ୍ ଘୂର୍ଣ୍ଣିଝଡ଼ର ମୁକାବିଲା ପାଇଁ ପ୍ରସ୍ତୁତିର ସମୀକ୍ଷା କରିଛନ୍ତି । ଶ୍ରୀ ମୋଦୀ
ପରିସ୍ଥିତିର ସମୀକ୍ଷା କରିବା ସହ ଜାତୀୟ ଦୁର୍ବିପାକ ସହାୟତା ବାହିନୀ ଦ୍ୱାରା ଲୋକମାନଙ୍କୁ ନିରାପଦ ଅଞ୍ଚଳକୁ ସ୍ଥାନାନ୍ତରିତ କରିବା ଯୋଜନାର ତଦାରଖ କରିଛନ୍ତି । ଏନ୍ଡିଆର୍ଏଫ୍ ମହାନିର୍ଦ୍ଦେଶକ ତାଙ୍କର ଯୋଜନା ଉପସ୍ଥାପନ କରି ୨୫ଟି ଏନ୍.ଡି.ଆର୍.ଏଫ୍. ଟିମ୍କୁ ମୂଳ ସ୍ତରରେ ମୁତୟନ କରିଛନ୍ତି ଓ ୧୨ଟି ଟିମ୍କୁ ପ୍ରସ୍ତୁତ କରି ରଖାଯାଇଛି ବୋଲି ଜଣାଇଛନ୍ତି । ଏହା ବ୍ୟତୀତ ଆଉ ୨୪ଟି ଏନ୍ଡିଆର୍ଏଫ୍ ଟିମ୍ ଦେଶର ବିଭିନ୍ନ ଭାଗରେ ପ୍ରସ୍ତୁତ ହୋଇ ରହିଛନ୍ତି ବୋଲି କହିଛନ୍ତି । ଏହି ବୈଠକରେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା, ପ୍ରଧାନମନ୍ତ୍ରୀଙ୍କ ପ୍ରଧାନ ଉପଦେଷ୍ଟା ପି.କେ. ସିହ୍ନା, କ୍ୟାବିନେଟ୍ ସଚିବ ରାଜୀବ ଗୌବା ଓ ଅନ୍ୟ ବରିଷ୍ଠ ଅଫିସରମାନେ ଯୋଗ ଦେଇଥିଲେ ।
ପଶ୍ଚିମ କେନ୍ଦ୍ରୀୟ ବଙ୍ଗୋପସାଗର ଓ ଏହାର ନିକଟବର୍ତ୍ତୀ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଅତି ଭୟଙ୍କର ଘୂର୍ଣ୍ଣିଝଡ଼ ଅମ୍ପନ୍ ଘଣ୍ଟା
ପ୍ରତି ୪ କିଲୋମିଟର ବେଗରେ ଗତ ୬ ଘଣ୍ଟା ଧରି ଉତ୍ତର ଦିଗକୁ ଗତି କରୁଛି । ଏହା ଆହୁରି ଅଧିକ ଘନିଭୂତ ହୋଇ ଏକ ମହାବାତ୍ୟାରେ ପରିଣତ
ହେବା ସହ ଦକ୍ଷିଣ ବଙ୍ଗୋପସାଗରର ପଶ୍ଚିମ କେନ୍ଦ୍ରୀୟ ଭାଗ ଓ ଏହା ନିକଟବର୍ତ୍ତୀ କେନ୍ଦ୍ରୀୟ ଭାଗରେ ଏବେ ଅବସ୍ଥାନ କରିଛି ।
Delhi: Prime Minister Narendra Modi holds meeting with Ministry of Home Affairs (MHA) & National Disaster Management Authority (NDMA) officials to review the situation arising out of #CycloneAmphan in different parts of the country. Home Minister Amit Shah also present. pic.twitter.com/cxR5rXbsGf
— ANI (@ANI) May 18, 2020
ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା କହିଛନ୍ତି, ଓଡ଼ିଶା ସରକାର ଲୋକଙ୍କୁ ସ୍ଥାନାନ୍ତର କରିବା କାମ ଆରମ୍ଭ କରିଛନ୍ତି । ମତ୍ସ୍ୟଜୀବୀମାନଙ୍କୁ ୨୧ ତାରିଖ ପର୍ଯ୍ୟନ୍ତ ସମୁଦ୍ରକୁ ନ ଯିବାକୁ ପରାମର୍ଶ ଦିଆଯାଇଛି।
ଆଗାମୀ ୬ ଘଣ୍ଟା ମଧ୍ୟରେ ଅମ୍ପନ ଆହୁରି ତୀବ୍ର ହେବାର ସମ୍ଭାବନା
ଆଗାମୀ ୬ ଘଣ୍ଟା ମଧ୍ୟରେ ଅମ୍ପନ ଆହୁରି ତୀବ୍ର ହେବ ବୋଲି ଆଶା କରାଯାଉଛି। ଆମେ ଗଜପତି, ପୁରୀ, ଗଞ୍ଜାମ,ଜଗତସିଂପୁର, କେନ୍ଦ୍ରାପଡାରେ ପ୍ରବଳ ବର୍ଷା ନେଇ ସତର୍କ ସୂଚନା ଜାରି କରିଛୁ। ଆସନ୍ତାକାଲି ବାଲେଶ୍ବର, ଭଦ୍ରକ, ଯାଜପୁର, ମୟୂରଭଞ୍ଜ, ଖୋର୍ଦ୍ଧା, କଟକରେ ବର୍ଷା ହେବ ବୋଲି ଭୁବନେଶ୍ୱର ପାଣିପାଗ କେନ୍ଦ୍ରର ନିର୍ଦ୍ଦେଶକ କହିଛନ୍ତି ।
‘AMPHAN’ very likely to intensify into a super cyclonic storm in next 6hrs.We’ve issued heavy rainfall warnings for Gajapati,Puri,GanjamJagatsinghpur,Kendrapara. Tomorrow rainfall activity to increase in Balasore,Bhadrak, Jajapur,Mayurbhanj,Khurja,Cuttack:Director,IMD Bhubaneswar pic.twitter.com/nMf1WexKCa
— ANI (@ANI) May 18, 2020
