କଲକତା : ଓଡ଼ିଶା ଉପକୂଳ ଦେଇ ପଶ୍ଚିମବଙ୍ଗର ସୁନ୍ଦରବନରେ ଭୂଇଁ ଛୁଇଁଛି ସାମୁଦ୍ରିକ ଝଡ଼ ‘ଅମ୍ପନ’ । ସୁନ୍ଦରବନରେ ଭୂମିପାତ ପୂର୍ବରୁ ବାଟରେ ଯାହା ପାଇଛି ତାହାକୁ ମୋଡ଼ି ଦଳି ଏହି ସାମୁଦ୍ରିକ ଝଡ଼ ଗର୍ଭସ୍ଥ କରିଛି । ଓଡ଼ିଶାର ଭଦ୍ରକ ଓ ବାଲେଶ୍ବର ଜିଲାରେ ପ୍ରଳୟ ସୃଷ୍ଟି କରିବା ପରେ ୧୨୦ରୁ ୧୩୦ କିଲୋମିଟର ବେଗରେ କଲକତା ଅତିକ୍ରମ କରିଛି । ଏହାର ପ୍ରଭାବରେ କଲକତା ସହର ଓ ଏହାର ଆଖପାଖ ଅଞ୍ଚଳ ବ୍ୟାପକ କ୍ଷତିଗ୍ରସ୍ତ ହୋଇଛି ।
Now system will move north-northeasterly, gradually weaken and then become a depression tomorrow: HR Biswas, Director of IMD Bhubaneswar (Odisha) #Amphan https://t.co/4f4lURPtyr
— ANI (@ANI) May 20, 2020
ସୂଚନା ଅନୁସାରେ ଅମ୍ପନ ଯୋଗୁଁ ପଶ୍ଚିମବଙ୍ଗରେ ସନ୍ଧ୍ୟା ସୁଦ୍ଧା ୪ ଜଣଙ୍କର ମୃତ୍ୟୁ ଘଟିଛି । ହଜାର ହଜାର ଗଛ, ବିଜୁଳି ଖୁଣ୍ଟ ଉପୁଡ଼ି ପଡ଼ିଛି । ମଧ୍ୟରାତ୍ରି ପର୍ଯ୍ୟନ୍ତ ଅମ୍ପନ ଏପରି ତାଣ୍ଡବ ସୃଷ୍ଟି କରିବ ବୋଲି ପାଣିପାଗ ବିଭାଗ ସୂତ୍ରରୁ ଜଣାପଡ଼ିଛି ।
#WATCH West Bengal: Rainfall and heavy winds in North 24 Parganas as #CycloneAmphan made landfall. pic.twitter.com/noHLgqJhPX
— ANI (@ANI) May 20, 2020
ଆଜି ସନ୍ଧ୍ୟାରେ ଅମ୍ପନ ଲ୍ୟାଣ୍ତଫଲ କରିବା ବେଳେ ପବନର ଘଣ୍ଟାପ୍ରତି ବେଗ ୧୫୫ରୁ ୧୬୫ କିମି ଥିଲା ଓ ବେଳେବେଳେ ଏହା ୧୮୫ କିମି ଛୁଇଁଥିଲା। ଏହାଦ୍ୱାରା ଉତ୍ତର ଓ ଦକ୍ଷିଣ ୨୪ ପ୍ରଗଣା ଜିଲ୍ଲା ଓ ହୁଗୁଳି ବିଶେଷ ଭାବେ କ୍ଷତିଗ୍ରସ୍ତ ହୋଇଛି।
ଏହାପରେ ଅମ୍ପନ ପଶ୍ଚିମବଙ୍ଗ ସୀମାନ୍ତ ଅତିକ୍ରମ କରି ବାଂଲାଦେଶରେ ପ୍ରବେଶ କରିବ । ଅବଶ୍ୟ ଭୂଭାଗ ସ୍ପର୍ଶ କରିବା ପରେ ଏହାର ଗତି ହ୍ରାସ ପାଇଛି ଏବଂ ବାଂଲାଦେଶରେ ପ୍ରବେଶ ବେଳକୁ ଏହାର ସର୍ବାଧିକ ଗତି ୮୦ କିଲୋମିଟର ମଧ୍ୟରେ ରହିବ ।
