କେନ୍ଦୁଝରଗଡ଼: ମାର୍ଚ୍ଚ ୧୨ ତାରିଖ ଦରବାରହଲଠାରେ ଜିଲା ଅମଲା ସଂଘ ନିର୍ବାଚନ ପରିପ୍ରେକ୍ଷୀରେ ସଂଘ ସଭାପତି ମହମ୍ମଦ ଅଲ୍ଲୀ ଜିନାଙ୍କ ଅଧ୍ୟକ୍ଷତାରେ କଲେକ୍ଟୋରେଟ୍ କଲଚରାଲ କ୍ଲବ ସଭା ଗୃହରେ ସଂଘର ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଆସନ୍ତା ୧୨ ତାରିଖ ମଧ୍ୟାହ୍ନ ୧୨ଟାରୁ ସଂଘ ନୂତନ କର୍ମକର୍ତ୍ତା ନିମନ୍ତେ ନିର୍ବାଚନ ପ୍ରକ୍ରିୟା ଆରମ୍ଭ ହୋଇ ଅପରାହ୍ନ ୨ଟାରେ ନିର୍ବାଚନ ଶେଷ ସହ ପଦାଧିକାରୀଙ୍କ ନାମ ଘୋଷଣା କରାଯିବାକୁ ବୈଠକରେ ସ୍ଥିରୀକୃତ ହୋଇଛି। ନିର୍ବାଚନ ସୁପରିଚାଳନା ପାଇଁ ନିର୍ବାଚନ ଅଧିକାରୀ ଭାବେ ସଂଘର ପୂର୍ବତନ କର୍ମକର୍ତ୍ତା ଜୟଗୋବିନ୍ଦ ମିଶ୍ର, ବଚୁରାମ ଲାମା ଓ ସରୋଜ କୁମାର ଦାଶଙ୍କୁ ମନୋନୀତ କରାଯାଇଛି। ପଦାଧିକାରୀଙ୍କ ନାମ ଘୋଷଣା ପରେ ଅପରାହ୍ନ ୨ଟା ୩୦ମି.ରେ ନବନିର୍ବାଚିତ କର୍ମକର୍ତ୍ତା ଶପଥଗ୍ରହଣ କରିବେ। ତେଣୁ ଆସନ୍ତା ୧୨ ତାରିଖ ଧାର୍ଯ୍ୟ ସମୟ ପୂର୍ବରୁ ସଂଘର ସମସ୍ତ ସଦସ୍ୟ ସଦସ୍ୟା ଦରବାରହଲଠାରେ ଉପସ୍ଥିତ ରହି ମତଦାନ ସାବ୍ୟସ୍ତ ମାଧ୍ୟମରେ ନୂତନ କର୍ମକର୍ତ୍ତା ଚୟନ କରିବା ପାଇଁ ସଂଘ ପକ୍ଷରୁ ଅନୁରୋଧ କରାଯାଇଛି।
Comments are closed.