ରନୱେରେ ଜଳିଗଲା ଟ୍ରେନି ବିମାନ, ପାଇଲଟ ସୁରକ୍ଷିତ

ଆଲିଗଡ଼ : ଉତ୍ତରପ୍ରଦେଶ ଆଲିଗଡ଼ରେ ମଙ୍ଗଳବାର ସକାଳେ ଏକ ଟ୍ରେନି ବିମାନ ଦୁର୍ଘଟଣାଗ୍ରସ୍ତ ହୋଇ ଜଳିଯାଇଛି। କୁହାଯାଉଛି ଯେ ଅବତରଣ ବେଳେ ବିମାନ ଚକା ତାରରେ ଫସିଯାଇଥିଲା। ଫଳରେ ବିମାନରେ ନିଆଁ ଲାଗିଯାଇଥିଲା।

ବିମାନଟି ଜଳିଯିବା ପୂର୍ବରୁ ୨ ପାଇଲଟ ସମେତ ୬ ଜଣ ଲୋକ ସୁରକ୍ଷିତ ଭାବେ ବାହାରିଯାଇଥିଲେ। ଘଟଣାସ୍ଥଳରେ ଦମକଳ ପହଞ୍ଚି ନିଆଁକୁ ଆୟତ୍ତ କରିଛି। ସୂଚନା ଅନୁସାରେ ଏକ ଘରୋଇ ଆଭିଏଶନ କମ୍ପାନୀ ଟ୍ରେନର ବିମାନକୁ ମରାମତି ପାଇଁ ଦିଲ୍ଲୀରୁ ଆଲିଗଡ଼ ଅଣାଯାଇଥିଲା। ବିମାନରେ ଦୁଇ ପାଇଲଟ ସମେତ ଅନ୍ୟ ୪ ଜଣ କର୍ମଚାରୀ ଥିଲେ। ଅବତରଣ କରୁଥିବାବେଳେ ନିର୍ମାଣଧୀନ ରନୱେରେ ପଡିଥିବା ବିଦ୍ୟୁତ ତାରରେ ବିମାନର ଚକା ଫସିଯାଇଥିଲା। ଏଥିରେ ଦୁର୍ଘଟଣାଗ୍ରସ୍ତ ହୋଇ ବିମାନଟି ଜଳିଯାଇଛି।

Comments are closed.