ପାତ୍ରପୁର : ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ ତାଣ୍ଡିପୁର ପଞ୍ଚାୟତ ରାଜପୁର ଗ୍ରାମର ଯୁବକ ଅଜିତ ମଲ୍ଲିକ ୟୁଟ୍ୟୁବରେ ଭିଡିଓ ପୋଷ୍ଟ କରି ତାଙ୍କ ନାମ ଇଣ୍ଡିଆ ବୁକ ଅଫ ରେକର୍ଡ଼ରେ ସ୍ଥାନିତ କରି ପୁରସ୍କୃତ ହୋଇ ଅଞ୍ଚଳ ପାଇଁ ଗର୍ବ ଆଣିଛନ୍ତି । ମାସକ ମଧ୍ୟରେ ନିଜ ୟୁଟ୍ୟୁବ ଚ୍ୟାନେଲ “ଫିଜିକ୍ସ ଉଇଥ ଅଜିତ” ରେ ୫୪ଗୋଟି ପଦାର୍ଥ ବିଜ୍ଞାନ ଭିଡ଼ିଓ ଅପଲୋଡ଼ କରି ଅଜିତ ଏହି ରେକର୍ଡର ଅଧିକାରୀ ହୋଇ ପାରିଛନ୍ତି । ଚଳିତ ବର୍ଷ ଜୁନ ୨୭ ତାରିଖରେ ସେ ନିଜ ୟୁଟୁବ ଚ୍ୟାନେଲ ଆରମ୍ଭ କରି ଜୁଲାଇ ୨୭ ଭିତରେ ସର୍ବାଧିକ ୫୪ ଗୋଟି ଭିଡ଼ିଓ ଅପଲୋଡ଼ କରିବା ପରେ ତାଙ୍କ କାର୍ଯ୍ୟକୁ ପ୍ରଶଂସା କରି ଇଣ୍ଡିଆ ବୁକ ଅଫ ରେକର୍ଡ଼ରେ ଅଜିତଙ୍କ ନାମ ସ୍ଥାନିତ ହେବା ସହିତ ତାଙ୍କୁ ପଦକ, ପରିଚୟ ପତ୍ର, କଲମ ସହିତ ମାନପତ୍ର ଦେଇ ଇଣ୍ଡିଆ ବୁକ ସମ୍ମାନିତ କରିଛି । ଏଭଳି ପଦାର୍ଥ ବିଜ୍ଞାନର ଭିଡ଼ିଓ ଅପଲୋଡ଼ କରି ଅଜିତ ଶହ ଶହ ଛାତ୍ରଛାତ୍ରୀଙ୍କ ପାଇଁ ଆଦର୍ଶ ପାଲଟି ଯାଇଛନ୍ତି। ଓଡିଶା ତଥା ଓଡିଶା ବାହାରେ ମଧ୍ୟ ବହୁ ଛାତ୍ରଛାତ୍ରୀ ତାଙ୍କ “ଫିଜିକ୍ସ ଉଇଥ ଅଜିତ, ୟୁଟ୍ୟୁବ ଚ୍ୟାନେଲ ଭିଡିଓ ମାଧ୍ୟମରେ ଦେଖି ସଫଳତା ହାସଲ କରି ଥିବା ଜଣାପଡ଼ିଛି। କ୍ୱାଣ୍ଟମ ମେକାନିକ, କ୍ଲାସିକ ମେକାନିକ, ବିଦ୍ୟୁତ କ୍ଷେତ୍ର,ଏକକ ଓ ମାତ୍ରା, କୁଲମଙ୍କ ନିୟମ ଭଳି ବିଷୟରେ ସେ ୟୁଟ୍ୟୁବରେ ଭିଡିଓ ଛାଡିଥିଲେ । ପାତ୍ରପୁର ବ୍ଲକ ରାଜପୁର ଗ୍ରାମର ବିଜୟ କୁମାର ମଲ୍ଲିକ ଓ ଝୁନୁ ଲତା ମଲ୍ଲିକଙ୍କ ପୁତ୍ର ଅଜିତ ଏବେ ବ୍ରହ୍ମପୁରର ଏକ ଘରୋଇ କଲେଜରେ ଅଧ୍ୟାପକ ଭାବେ କାର୍ଯ୍ୟରତ ଅଛନ୍ତି । ତାଙ୍କର ଏଭଳି ପାରଦର୍ଶିତା ଯୋଗୁଁ ପାତ୍ରପୁର ବ୍ଲକର ବିଭିନ୍ନ ମହଲରୁ ତାଙ୍କ ପାକକୁ ପ୍ରଶଂସାର ସୁଅ ଛୁଟିବାରେ ଲାଗିଛି ।
Popular Categories
Previous article
Next article