ଅହମ୍ମଦାବାଦ: ଅହମ୍ମଦାବାଦ ବିମାନ ଦୁର୍ଘଟଣାରେ ଏପର୍ଯ୍ୟନ୍ତ ୨୬୫ ଜଣଙ୍କ ମୃତ୍ୟୁ ନିଶ୍ଚିତ ହୋଇଛି। ମୃତକଙ୍କ ମଧ୍ୟରେ ବିମାନ ଭିତରେ ଥିବା ଲୋକମାନଙ୍କ ସହ ଦୁର୍ଘଟଣା ଘଟିଥିବା ଅଞ୍ଚଳରେ ରହୁଥିବା ଲୋକମାନେ ମଧ୍ୟ ସାମିଲ ଅଛନ୍ତି। ଏହି ଦୁର୍ଘଟଣା ପରେ ଏକ ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେଉଛି। ଏହି ଭିଡିଓରେ ଜଣେ ମହିଳା ତାଙ୍କ ପୁଅକୁ ବଞ୍ଚାଇବା ପାଇଁ ସଂଘର୍ଷ କରୁଥିବା ଦେଖାଯାଉଛି।
କୁହାଯାଉଛି ଯେ, ଯେତେବେଳେ ଏହି ବିମାନଟି ଅହମ୍ମଦାବାଦର ମେଘାନୀ ନଗରରେ ଦୁର୍ଘଟଣାଗ୍ରସ୍ତ ହୋଇଥିଲା, ସେତେବେଳେ ସୀତା ପଟନୀ ନାମକ ଏହି ମହିଳା ତାଙ୍କ ପୁଅ ସହିତ ଦୁର୍ଘଟଣାସ୍ଥଳରେ ଉପସ୍ଥିତ ଥିଲେ। ବିମାନଟି ଦୁର୍ଘଟଣାଗ୍ରସ୍ତ ହେବାମାତ୍ରେ ଏକ ବିରାଟ ତଥା ଭୟଙ୍କର ନିଆଁ ବଳୟ ସୃଷ୍ଟି ହୋଇଥିଲା। ତାଙ୍କ ୧୫ ବର୍ଷର ପୁଅ ନିଆଁ ଭିତରେ ଫସି ଯାଇଥିଲା ଏବଂ ଏଥିରେ ତାଙ୍କର ମୃତ୍ୟୁ ଘଟିଛି।
VIDEO | Ahmedabad Air Crash: Visuals show people running away moments after the Air India flight AI-171 crashed after taking off from the Ahmedabad airport.
The Boeing aircraft, which could be seen losing altitude quickly, crashed in Meghaninagar area near the Ahmedabad… pic.twitter.com/oBOmc3rFDr
— Press Trust of India (@PTI_News) June 12, 2025
କିନ୍ତୁ ସୀତା ପଟନୀ ଶେଷ ପର୍ଯ୍ୟନ୍ତ ତାଙ୍କ ପିଲାକୁ ସେହି ନିଆଁ ଭିତରୁ ରକ୍ଷା କରିବାକୁ ପ୍ରାଣପଣେ ଉଦ୍ୟମ କରୁଥିବା ଦେଖିବାକୁ ମିଳିଛି। ଏହି ଉଦ୍ୟମରେ ସେ ମଧ୍ୟ ଗୁରୁତର ଭାବରେ ପୋଡ଼ି ଯାଇଛନ୍ତି। ଏହି ଘଟଣାର ଏକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି। ଏହି ଭିଡିଓରେ ସେ ପିଲାଟିକୁ ବଞ୍ଚାଇବା ପାଇଁ ରାସ୍ତାରେ ଏଣେତେଣେ ଦୌଡ଼ୁଥିବା ଦେଖାଯାଉଛି ଏବଂ ଠିକ୍ ତାଙ୍କ ପାଖରେ ବିମାନ ଦୁର୍ଘଟଣା ପରେ ହୁତୁହୁତୁ ନିଆଁ ଜଳୁଥିବା ଦେଖିବାକୁ ମିଳିଛି।
