ଅହମ୍ମଦାବାଦ: ଯାନ୍ତ୍ରିକ ତ୍ରୁଟି ଯୋଗୁଁଁ ଏୟାର ଇଣ୍ଡିଆର ଅହମ୍ମଦାବାଦ-ଲଣ୍ଡନ ବିମାନକୁ ବାତିଲ କରାଯାଇଛି। ଏହା ସେହି ରୁଟ୍, ଯେଉଁଠାରେ ଏଆଇ-୧୭୧ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ସୂଚନା ଅନୁସାରେ, ଏୟାର ଇଣ୍ଡିଆର ବିମାନ ଏଆଇ-୧୫୯ ମଙ୍ଗଳବାର ଦିନ ୧.୧୦ରେ ଅହମ୍ମଦାବାଦରୁ ଉଡ଼ାଣ ଭରିବାର ଥିଲା। ଲଣ୍ଡନରେ ଏହାର ଅବତରଣ ସମୟ ସନ୍ଧ୍ୟା ୬.୨୫ରେ ବୋଲି କୁହାଯାଇଥିଲା। ଉଡ଼ାଣର କିଛି ସମୟ ପୂର୍ବରୁ ଏଥିରେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା। ଫଳରେ ଏହାର ଉଡ଼ାଣ ବାତିଲ କରାଯାଇଛି।
ଏହା ପୂର୍ବରୁ ଆଜି ଆଉ ଏକ ବିମାନ ଯାନ୍ତ୍ରିକ ତ୍ରୁଟି କାରଣରୁ କଲକାତା ବିମାନବନ୍ଦରରେ ଜରୁରୀ ଅବତରଣ କରିଥିଲା। ଏୟାରଇଣ୍ଡିଆର ଏହି ବିମାନ ଆମେରିକାର ସାନ୍ଫ୍ରାନସିସକୋରୁ ମୁମ୍ବଇ ଆସୁଥିବା ବାଟରେ ଏହାର ବାମପଟ ଇଞ୍ଜିନରେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା। ଯାହାଫଳରେ ପାଇଲଟ କଲକାତା ବିମାନ ବନ୍ଦର ଏଟିସି ସହ ଯୋଗାଯୋଗ କରି ସେଠାରେ ଜରୁରୀ ଅବତରଣ କରାଇଥିଲେ। ବିମାନରେ ଥିବା ସମସ୍ତ ଯାତ୍ରୀ ସୁରକ୍ଷିତ ରହିଥିବା ସୂଚନା ଦିଆଯାଇଥିଲା। ସୋମବାର ମଧ୍ୟ ହଂକଂରୁ ଏକ ବିମାନ ଉଡ଼ାଣ ଆରମ୍ଭ କରିବାର ୯୦ ମିନିଟ ପରେ ମଝି ଆକାଶରୁ ପୁଣି ହଂକଂ ଫେରିଥିଲା।
Comments are closed.