ଆଠଗଡ: ଆଠଗଡ ଥାନା ପରିସରରୁ ପୁଲିସକୁ ଚକମା ଦେଖାଇ ଜଣେ ଆସାମୀ ଚମ୍ପଟ ମାରିବା ଭଳି ଅଭାବନୀୟ ଘଟଣା ଘଟିଛି । ପ୍ରକାଶଯୋଗ୍ୟ ଗତ ଅଗଷ୍ଟ ମାସ ୯ ତାରିଖରେ ଆଠଗଡ ଥାନା ଅନ୍ତର୍ଗତ ସମସରପୁର ପଞ୍ଚାୟତ ଅନ୍ତର୍ଗତ ଅମୃତମଣୋହିପାଟଣା ଗ୍ରାମରେ ଶାସକ ଦଳର ଦୁଇ ଗୋଷ୍ଠୀ ମଧ୍ୟରେ ଠିକା କାମକୁ ନେଇ ସଂଘର୍ଷ ଓ ବୋମାମାଡ ଘଟଣା ଘଟିଥିଲା। ଏହି ଘଟଣାକୁ ନେଇ ଉଭୟ ପକ୍ଷରୁ ଆଠଗଡ ଥାନାରେ ପୃଥକ ପୃଥକ ଅଭିଯୋଗ ହୋଇଥିଲା। ଶାନ୍ତିଲତା ଜେନାଙ୍କ ଅଭିଯୋଗରେ ୧୬୮/୨୩ ଓ ଗୁଣନିଧି ଜେନାଙ୍କ ଅଭିଯୋଗରେ ୧୬୯/୨୩ ନଂ ରେ ପୁଲିସ ମାମଲା ରୁଜୁ କରି ତଦନ୍ତ ଜାରି ରଖିଛି। ଏହା ପୂର୍ବରୁ ଉଭୟ ଗୋଷ୍ଠୀରୁ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ ଚାଲାଣ କରାଯାଇଛି । ଶୁକ୍ରବାର ରାତିରେ ଏହି ଘଟଣାର ଅନ୍ୟତମ ଅଭିଯୁକ୍ତ ଅମୃତମଣୋହିପାଟଣାର ବିରଞ୍ଚି ନାରାୟଣ ମନ୍ତ୍ରୀଙ୍କୁ ପୁଲିସ ଥାନାକୁ ଆଣି ଅଟକ ରଖି ପଚରା ଉଚରା କରିଥିଲେ ଏବଂ ତାଙ୍କୁ ଶନିବାର କୋର୍ଟ ଚାଲାଣ କରିଥାନ୍ତେ। ହେଲେ ଶନିବାର ଶୌଚ ହେବାକୁ ଯିବାବେଳେ କର୍ତ୍ତବ୍ୟରତ ପୁଲିସ କନେଷ୍ଟବଳଙ୍କୁ ଧକ୍କା ମାରି ଥାନାରୁ ଦୌଡି ଚମ୍ପଟ ମାରିଥିବା ଜଣାପଡିଛି । ଏହି ଘଟଣା ଘଟିବା ପରେ ଆଇଆଇସି ଅନିରୁଦ୍ଧ ମୁଦୁଲିଙ୍କ ନେତୃତ୍ବରେ ପୁଲିସର ତିନୋଟି ଦଳ ଗଠନ କରାଯାଇ ଫେରାର ଆସାମୀକୁ ଧରିବା ଲାଗି ବିଭିନ୍ନ ସ୍ଥାନରେ ଯୋରଦାର ଚଢାଉ ଜାରି ରହିଥିବା ଜଣାପଡିଛି।
Comments are closed.