ଭବାନୀପାଟଣା: କଳାହାଣ୍ଡି ଜିଲ୍ଲାର ଭବାନୀପାଟଣା ସହରର ଅର୍କାବାହାଲି ପଡାର ଇଶ୍ୱର ବେହେରାଙ୍କ ଝିଅ ସହିତ ଛତିଶଗଡ ରାଜ୍ୟର ରାୟପୁର ନିବାସୀ ସୋହନ ସୋନିର ପୁଅ ଶିବା ସୋନି ସହିତ ଆଜି ସନ୍ଧ୍ୟାରେ ବିବାହ ଥିଲା । ଛତିଶଗଡ଼ ରାଜ୍ୟର ରାୟପୁରରୁ ଏକ ସ୍କର୍ପିଓ ନମ୍ବର ସିଜି ୦୪ ଏଲ୍ଇ ୮୮୯୭ ରେ ବର ଶିବା ସୋନି ଏବଂ ତାର ବାପା ସୋହନ ସୋନି( ୫୦), ମାମୁଁ ଚନ୍ଦ୍ର ବେହେରା (୫୫) ସହିତ ପୁରୁଷ ଓ ମହିଳା ମଶି ୭ ଜଣ ଭବାନୀପାଟଣା ବିବାହ ପାଇଁ ଆସିବା ସମୟରେ ଆଜି ଭୋର ୪ ଘଣ୍ଟା ସମୟରେ ଭବାନୀପାଟଣା ଠାରୁ ୧୪ କିଲୋମିଟର ଦୂରରେ ରାୟପୁର-ଭବାନୀପାଟଣା ରାସ୍ତାର ଖଇରମଖଲ ଠାରେ ଭାରାସାମ୍ୟ ହରାଇ ରାସ୍ତା କଡକୁ ଓଲଟି ପଡିଥିଲା । ଫଳରେ ଘଟଣା ସ୍ଥଳରେ ବରର ବାପା ସୋହନ ସୋନି ଏବଂ ମାମୁଁ ଚନ୍ଦ୍ର ବେହେରାଙ୍କ ମୃତ୍ୟୁ ହୋଇଥିଲା । ବର ଶିବା ସୋନି ସମେତ ଡ୍ରାଇଭର, ବରର ସର୍ମ୍ପକୀୟ ମହିଳା ୩ ଜଣ ଗୁରୁତର ଆହତ ହୋଇ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
