କାରକୁ ଧକ୍କା ଦେଲା ଯାତ୍ରୀବାହୀ ବସ ; ୨ ଆହତ

ଭୁବନେଶ୍ୱର : କଟକ-ଭୁବନେଶ୍ୱର ଜାତୀୟ ରାଜପଥ ସତ୍ୟବିହାର ନିକଟସ୍ଥ ସପ୍ତସତୀ ମନ୍ଦିର ସମ୍ମୁଖରେ ରବିବାର ଅପରାହ୍ନରେ ଏକ ସଡକ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଏକ ଯାତ୍ରୀବାହୀ ବସ କାର (ନମ୍ବର- ଓଡ଼ି୦୨ଏଜେ୭୬୯୪)କୁ ପଛପଟୁ ଧକ୍କା ଦେଇଥିଲା। ବସ୍‍ ଚାଳକଙ୍କ ଅସାବଧାନତା ଯୋଗୁଁ ଏହି ଦୁର୍ଘଟଣା ଘଟିଥିବା କୁହାଯାଉଛି। ମିଳିଥିବା ସୂଚନା ଅନୁସାରେ ବଲାଙ୍ଗିରରୁ ଭୁବନେଶ୍ୱର ଆସୁଥିବା ଆଲୋକ ନାମକ ବସ ସକାଳ ୬.୩୦ରେ କାରକୁ ଧକ୍କା ଦେଇଥିଲା। ଏହି ଦୁର୍ଘଟଣାରେ କାରରେ ଥିବା ଦୁଇ ଜଣ ଯାତ୍ରୀ ସାମାନ୍ୟ ଆହତ ହୋଇଛନ୍ତି। ଦୁର୍ଘଟଣାରେ କାରର ପଛଭାଗ ସମ୍ପୁର୍ଣ୍ଣ ଭାଙ୍ଗିଯାଇଛି।
ସୂଚନାଯୋଗ୍ୟ ଯେ, ଏହି କାର ଯାଜପୁରରୁ ଚାରିଜଣ ଯାତ୍ରୀଙ୍କୁ ନେଇ ପୁରୀ ଅଭିମୁଖେ ଯାତ୍ରା କରୁଥିଲା। ଭୁବନେଶ୍ୱର ସତ୍ୟବିହାର ନିକଟରେ ଦୁର୍ଘଟଣା ହେବାପରେ ସ୍ଥାନୀୟ ଲୋକ ପୁଲିସକୁ ସୂଚନା ଦେଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି କ୍ରେନ ସାହାଯ୍ୟରେ କାରକୁ ରାସ୍ତା ମଧ୍ୟରୁ ବାହାରକୁ ଆଣିଥିଲା। କାର ଚାଳକ ସୁରେନ୍ଦ୍ର କୁମାର ସେଠୀ ଏ ନେଇ ମଞ୍ଚେଶ୍ୱର ଥାନାରେ ଅଭିଯୋଗ କରିଛନ୍ତି।